Әһли Бејт -АБНА- хәбәр аҝентлијинин вердији хәбәрә әсасән: Иҹтимаи Палатанын ијунун 19-у Бакынын мүхтәлиф јерләриндә кечирдији етираз аксијаларында тутуланлардан ики нәфәр азадлыға чыхыб. Мәлуматы вәкил Әсабәли Мустафајев вериб.
Вәкилин сөзләринә ҝөрә, 3 сутка һәбс алан Мүсават Партијасынын үзвү Рамин Бахыш вә битәрәф Нуширәван Мәммәдовун ҹәзалары ијунун 22-дә сона чатыб вә митинг мәһбуслары бурахылыблар.
Әсабәли Мустафајев билдириб ки, ијунун 24-дә Бакы Апеллјасија Мәһкәмәсиндә митинг мәһбуслары Орхан Чарчыјев вә Гафгаз Мәммәдовун шикајәтинә бахылаҹаг. Классик Халг Ҹәбһәси Партијасынын үзвү Орхан Ҹарчыјев вә Азәрбајҹан Халг Ҹәбһәси Партијасынын үзвү Гафгаз Мәммәдов 5 сутка азадлыгдан мәһрум едилибләр: “Орхан Чарчыјевин шикајәтинә һаким Саһибхан Мирзәјев, Гафгаз Мәммәдовун шикајәтинә исә һаким Мирзәли Аббасов бахаҹаг. Апеллјасија шикајәтиндә Орхан Чарчыјевин дөјүлмәсинин, полис бөлмәсиндә аҹ-сусуз сахланмасынын, Гафгаз Мәммәдовун исә полис бөлмәсиндә, әмәлијјатчынын отағында сәһәрә гәдәр отураг вәзијјәтдә, аҹ-сусуз сахланмасынын гејри-инсани рәфтар вә ишҝәнҹә кими гијмәтләндирилмәсини, митингин дағыдылмасынын вә һәбсләрин ганунсуз һесаб олунмасыны хаһиш етмишик. Дөвләтин Охран Чарчыјевлә Гафгаз Мәммәдовун һәр биринә 4 мин манат тәзминат өдәмәсини истәјирик”.
Иҹтимаи Палатанын 19 ијун митингиндә диҝәр һәбс олунанлар - Ваһид Аббасов (Мүсават Партијасынын үзвү) вә Елчин Әһмәдов (Азәрбајҹан Халг Ҹәбһәси Партијасынын үзвү) 5 сутка азадлыгдан мәһрум едилибләр.
Диггәт: Хәбәрдән истифадә етдикдә мәнбәјә истинад лазымдыр
