Әһли Бејт -АБНА- хәбәр аҝентлијинин вердији хәбәрә әсасән: “Култаз.ҹом” мәдәнијјәт порталынын тәшкилатчылығы илә кечирилән III Нәсими Милли Әдәбијјат Мүсабигәсинин дебүт мүкафатынын галибләринин адлары ачыгланыб.
Дебүт мүкафаты әнәнәви олараг ики номинасијада кечирилир. Бу мүсабигәјә ҝәнҹ мүәллифләр максимум үч әсәрлә (һекајә вә ја шеир) гатылырлар.
Дебүт мүкафатында 44 мүәллифин 100-дән артыг мәтни гијмәтләндирилиб. Мүсабигәјә Ҝүрҹүстан, Русија вә Ирандан олан азәрбајҹанлылар да гатылыб.
Гијмәтләндирмәни мүсабигәнин 9 нәфәрдән ибарәт Експертләр Шурасы (Теһран Әлишаноғлу, тәнгидчи; Нәрҝиз Ҹаббарлы, тәнгидчи; Азад Јашар, шаир-тәрҹүмәчи; Маһир Гарајев, шаир-тәрҹүмәчи; Самир Сәдагәтоғлу, јазычы; Шаһбаз Худуоғлу, нашир; Мәсиаға Мәһәммәди, нәзәријјәчи-тәрҹүмәчи; Натиг Мәммәдли, јазычы; “Култаз.ҹом” Тәшкилат Комитәси) 10 баллыг системлә апарыб.
“Ән јахшы һекајә” номинасијасында I јери Елназ Ејвазлы (“Баш дашы”, “Гадын”), II јери Алпај Азәр (“Атамын дәфни, һүзрү, бир дә башдашы”, “Өзүндән “күсән” ҝәлин”), III јери Илғым (“Ачыгҹа сөјләнмәјәнләр”, “Илан Хатынын вә Лоғманын дастаны”, “Зорлама ҹинајәтинин нөвләри”), “Ән јахшы шеир” номинасијасында I јери Муса Әфәнди (“Бир шәһәрин лексиколоҝијасы”, “I пајыз үсјаны”, “Кәдәрбоған бөҹәји”), II јери Шаһин Әлијев (“Кино”, “Белә олсун”, “Достум”), III јери Орхан Заман (“Кабус”, “Узаглығындан үшүјүрәм”, “Бүтүн хатирәләрдән”) тутуб.
Нәсими Милли Әдәбијјат Мүсабигәси 2008-ҹи илдән кечирилир.
Диггәт: Хәбәрдән истифадә етдикдә мәнбәјә истинад лазымдыр
