Әһли Бејт -АБНА- хәбәр аҝентлијинин вердији хәбәрә әсасән: Иҹтимаи Палатанын ијунун 19-а тәјин етдији аксијадан әввәл рајонларда мүхалифәт фәалларынын полисә апарылмасы барәдә мәлуматлар вар.
АХҸП Сабирабад шөбәсиндән “Азадлыг” гәзетинә верилән мәлумата ҝөрә, шөбәнин сәдри Сәтдар Шаһларов вә фәалларындан Әфлан Ағајев ијунун 18-дә сәһәр саатларында полисә чағырылыблар. Онлара 19 ијун митингиндә иштирак етмәмәклә бағлы хәбәрдарлыг олунуб. Даһа сонра онлар сәрбәст бурахылыблар. Лакин ҝүнортадан сонра Сәтдар Шаһларовла Әфлан Ағајев јенидән полисә апарылыблар. Бу дәфә онлардан башга АХҸП Сабирабад шөбәсинин даһа бир фәалы Саһиб Рүстәмли дә полисә апарылыб.
Мәлумата ҝөрә, полис рајон шөбәсинин даһа ики фәалы Рөвшән Садыглы илә Тофиг Зејналову да сахламаг үчүн ахтарыр.
АХҸП фәалларынын сахланмасында мәгсәд онларын 19 ијун митингиндә мүмкүн иштиракынын гаршысыны алмагдыр.
Полсин митинггабағы мүхалифәтчи “ову” башга рајонларда да гејдә алыныб. Иҹтимаи Палатанын катиби Ҝүлаға Асланлы “Азадлыг” радиосуна дејиб ки, ијунун 18-и сәһәр саатларында Мүсават Партијасынын Сабирабад вә Хачмаз рајон тәшкилатларынын сәдрләрини полисә чағырыб, хәбәрдарлыг едибләр: «Дејибләр ки, онсуз да Бакыја ҝедән јоллар бағланыб, һеч ким Бакыја бурахылмајаҹаг, тәк-тәк һамы јохланаҹаг. Она ҝөрә дә буна ҹәһд етмәјин».
Газахда да бир мүхалифәтчи груп полисә апарылыб. Бу барәдә “Азадлыг” радиосуна полисә апарыланлардан Классик Халг Ҹәбһәси Партијасынын үзвү Низами Һагвердијев мәлумат вериб: «Биз 12 нәфәр чајханада отурмушдуг. Ҝәлдиләр ки, нијә јығылыбсыныз. Онлар елә билдиләр ки, биз митингә ҝедирик. Она ҝөрә бизи полис шөбәсинә апардылар, мәни сөјдүләр, тәһгир етдиләр, 15 дәгигә бизи инҹитдиләр».
Н.Һагвердијев дејиб ки, онунла бир јердә олан 11 нәфәрин Азәрбајҹандан кәнарда ишләмәјә ҝетдији ајдынлашандан сонра сәрбәст бурахылыблар: «Инди дә мәни зорла Газах рајон ҝөмрүјүндән јола салырлар, Азәрбајҹандан кәнарлашдырырлар».
Диггәт: Хәбәрдән истифадә етдикдә мәнбәјә истинад лазымдыр
