Әһли Бејт -АБНА- хәбәр аҝентлијинин вердији хәбәрә әсасән: Инҝилтәрәнин кечмиш баш назири Тони Блејер дүнјада ҝедән просесләри даһа јахшы баша дүшмәк үчүн һәр ҝүн Гурани-Кәрими охујур. Блејер буну “А Жоурнеј” (Сәјасәт) адлы китабында гејд едиб. Бу барәдә “Обсервер” гәзети мәлумат јајыб.
Блејер глобаллашан дүнјада “дини инанҹ” мөвзусунда даһа әтрафлы мәлумата саһиб олмағын ваҹиблијини вурғулајараг гејд едиб ки, бунун үчүн һәр ҝүн давамлы олараг Гуран вә Инҹил охумаг лазымдыр. Блејер јазыр ки, дүнјаны даһа јахшы дәрк етмәк үчүн илаһи китаблары охумаг сон дәрәҹә мүһүмдүр.
“Гуран ислаһатчы китабдыр. Мәним диггәтими ҹәлб еләјән исә Гуранда елмә вә билијә верилән јүксәк гијмәт, мөвһуматын вә хүрафатын бирмәналы писләнмәсидир. Гуран евлилијә, гадынлара вә идарәчилијә мүнасибәтдә јарандығы дөврдән чох-чох ирәлидә олан бир китабдыр”, - дејә Тони Блејер вурғулајыб.
Јери ҝәлмишкән, һәлә 2008-ҹи илдә Тони Блејер демишди ки, Гурани-Кәрими үч дәфә охујуб. Гејд етмишди ки, Мәһәммәд Пејғәмбәр тәкҹә дини амил дејил, һәм дә чох бөјүк сивил ҝүҹү олан бир гүввәдир.
Диггәт: Хәбәрдән истифадә етдикдә мәнбәјә истинад лазымдыр
