Әһли Бејт -АБНА- хәбәр аҝентлијинин вердији хәбәрә әсасән: Сербија мүхалифәтинин јүзләрлә үзвү пајтахт Белградда етираз аксијасы кечириб. Бу ҝүн башлајаҹаг НАТО конфрансына етираз едән мүхалифәтчиләр Алјансын бајрағыны јандырыблар
ББҸ-нин вердији мәлумата ҝөрә, нүмајишчиләрин әлләриндә “НАТО-ја һеч вахт”, “Гатил ҹинајәт јеринә гајыдыр”, “Өвладларымыза ҝөрә сизи бағышламајаҹағыг” кими шүарлар олуб. Аксијанын сонунда НАТО-нун бајрағы јандырылыб.
НАТО-нун һәрби-стратежи мәсәләләр үзрә конфрансында баш гәрарҝаһ рәисләри, Шимали Атлантика алјансынын, еләҹә дә “Сүлһ наминә тәрәфдашлыг” програмына, Аралыг дәнизи диалогу вә Истанбул Әмәкдашлыг Тәшәббүсүнә үзв өлкәләрин нүмајәндәләри иштирак едәҹәкләр.
Гејд едәк ки, Сербија кечмиш Југославијанын НАТО-ја үзвлүк үчүн мүраҹиәт етмәмиш јеҝанә республикасыдыр.
Диггәт: Хәбәрдән истифадә етдикдә мәнбәјә истинад лазымдыр
