Әһли Бејт -АБНА- хәбәр аҝентлијинин вердији хәбәрә әсасән: Гәбәлә рајонунда гәтл һадисәси төрәдилиб. Рајон Полис Шөбәсиндән верилән мәлумата ҝөрә, Гәбәлә сакини 42 јашлы Фәхријјә Зәкәријева јашадығы евдә гәтлә јетирилиб.
Һадисә јеринә һүгуг-мүһафизә органы әмәкдашлары ҝәлиб. Мәлум олуб ки, гадын кәрки илә (бостан саһәсини алаг отларындан тәмизләмәк үчүн белә охшар әкин аләти - ред.) өлдүрүлүб. Намәлум шәхс кәрки илә ики зәрбә вурараг онун башыны әзиб.
Гәтлин ким тәрәфиндән төрәдилмәси мәлум дејил. Фактла бағлы Ҹинајәт Мәҹәлләсинин гәсдән адамөлдүрмә (120.1-ҹи) маддәси илә ҹинајәт иши башланыб.
Диггәт: Хәбәрдән истифадә етдикдә мәнбәјә истинад лазымдыр
