Әһли Бејт -АБНА- хәбәр аҝентлијинин вердији хәбәрә әсасән: Орта мәктәбләрдә һиҹаба гојулан гадағаја етираз олараг 6 мај Тәһсил Назирлијинин гаршысында кечирилән акжсијада һәбс олунмуш 2 диндадыр мәһкәмә просеси кечирилиб. Мәммәдов Рөвшән Ариф оғлу вә Һүсејнов Әлван Аслан оғлунун ишинә Хәтаи рајон мәһкәмәсиндә бахылыб. Бу барәдә сајтымызыа иттиһам олунанларын вәкили Анар Гасымов мәлумат вериб. Анар Гасымвоун сөзләринә ҝөрә, һаким Лејла Талыбованын (Әлван Һүсејновун мәһкәмә просесини апаран һаким) вә Илгар Әлијевин (Рөвшән Мәммәдовун мәһкәмә просесини апаран һаким) сәдрлији илә кечирилән иҹласларда галдырыан вәсатәт тәмин олунмајыб."Биз һәр 2 иттиһам олунан шәхсин һәбсинин ев дустаглығы илә әвәз олунмасы барәдә мәһкәмә гаршысында вәсатәт галдырмышдыг. Бура һәбс олунан диндарларын аилә вәзијјәти вә өһдәчилијиндә азјашлы ушағын олмасы аид иди. Һәтта һәбс олунанларын аксијада һансыса автомобилин шүшәсини дашла сындырмасына гаршлыг олараг һәмин, автомобилин шүшәсинин јенидән алынмасы да ҝөстәрилмишди. Лакин бүтүн бунлара бахмајараг һәм Лејла Талыбова, һәм дә Илгар Әлијев вәсатәтимизи тәмин етмәди"-дејә иттиһам олунанларын вәкили Анар Гасымов билдириб.
Диггәт: Хәбәрдән истифадә етдикдә мәнбәјә истинад лазымдыр
