Әһли Бејт -АБНА- хәбәр аҝентлијинин вердији хәбәрә әсасән: “Тәәссүф ки, бу ҝүн әһалинин әксәријјәти мүсәлман олан Азәрбајҹанда орта мәктәбләрдә һиҹаба гадаға гојулмасы хошаҝәлмәз вәзијјәт јарадыб”. Бу барәдә СаламНеwс-а Бакынын Бинә Мәсҹидинин ахунду Һаҹы Елдар Әсәд билдириб.
О һиҹабын сијаси аләтә чеврилмәсинә гаршы олдуғуну билдириб: “Бу гадаға өлкәмизин диндар тәбәгәсини ҹидди нараһат едир. Һиҹаб, бәзи даирәләрин өз сијаси мәгсәдләри наминә гаршыдурма јаратмаг үчүн васитә дејил”.
О һәмчинин гејд едиб ки, Мүгәддәс Гуранын бир нечә ајәсиндә һиҹаб мүсәлман гадынынын ҝејиминин ајрылмаз атрибуту кими бујурулур: “Мүгәддәс Гуран бәшәријјәти зүлмәтдән нура чыхармаг үчүн назил олуб, демәли бүтүн ајәләр, о ҹүмләдән һиҹабын зәрурилијини гејд едән ајәләр дә буна васитәдир”.
“Һиҹаб ағылын үстүнү өртмүр вә әтрафдакылара һөрмәтсизлик тәзаһүрү дејил” дејән ахунд гејд едиб ки, Исламын бәзән сәһв анлашылмасынын сәбәби бу саһәдә мөвҹуд олан маарифчилик проблемләријлә әлагәлидир: “Әксәр инсанлар мүсәлманлары вә Исламы тәһлүкә кими гәбул едирләр. Лакин һиҹаб бағланмасыны бәзи Авропа өлкәләриндә олдуғу кими гәтијјән һансыса екстремист вә ја террорчу идејаларла әлагәләндирмәк олмаз”.
Елдар Әсәд гејд едиб ки, мәсиһи раһибәләр дә башларыны өртүрләр, Авропа гадынлары исә килсәјә ҝетдикдә башларына јајлыг бағлајырлар. Бәзи Гәрб өлкәләриндә һиҹаб гадағасына ҝәлдикдә исә, Елдар Әсәд бунун архасында Авропанын вә АБШ-ын бөјүк планларынын дајандығыны вурғулајыб.
Диггәт: Хәбәрдән истифадә етдикдә мәнбәјә истинад лазымдыр
