Бу ҝүн Ислам дүнјасинда Фәләстинин ишғалы гәдәр бөјүк проблем јохдур. Бу, сон заманларда Ислам үммәтинин дүчар олдуғу ән бөјүк бәладыр. Белә ки, Исламын дүшмәнләри мүсәлманларын јурдуну, евини ишғал едәрәк ораны мүсәлманларын әлејһинә олан һүҹумларынын сәнҝәринә чевирмишләр. Фәләстинлиләрин Ислами гијамлары “мүдафиә ҹиһады”нын бариз нүмунәсидир вә она ҝөрә дә онлара дәстәк олмаг һәр бир мүсәлмана ваҹибдир.
Фәләстин торпағынын һәр бир гарышы мүсәлманын евидир вә орада Ислам вә мүсәлманларын һөкүмәтиндән савајы һәр бир һөкүмәт ишғалчы һөкүмәт сајылыр. Сөһбәт јәһудиләрлә мүбаризәдән ҝетмир, мүсәлманларын ишғал олунмуш торпагларындан ҝедир.
Һәр бир мүсәлманын дини вәзифәсидир ки, Ислам ады илә гијам едән Фәләстин милләтинә сәлаһијјәти чатдығы һәр бир саһәдә – сијаси, мәдәни, игтисади, информасија вә с. саһәләрдә – јардым етсин.
Фәләстини ишғал едән сијонист режими вә онун һимајәдарлары илә һәмкарлыг етмәк чох бөјүк вә бағышланмајан бир сәһвдир. Сијонистләрә вә Исраилә дәстәк оланлар вә әл тутанлар, онларла мүзакирә апаранлар вә сазиш бағлајанлар елә онлардан сајылыр. Мүбаризә сазишлә зиддијјәт тәшкил едир. Фәләстин мәсәләсинә ҝәлинҹә мүбаризә апармаг бир дини вәзифә, сазиш бағламаг исә хәјанәтдир.
Ислам дүнјасынын һәр бир ҝушәсиндә јашајан зијалылар, јазычылар, мәдәнијјәт вә инҹәсәнәт хадимләри бу ҝүн Фәләстин милләтинә едилән зүлмләри вә вәһшиликләри дүнја иҹтимаијјәтинә чатдырмалыдырлар.
Али Мәгамлы Рәһбәр Ајәтуллаһ Хаменеинин Фәләстин Ислам Конфрансынын иштиракчылары гаршысындакы чыхышындан бир парча. 03/12/1990
