Әһли Бејт -АБНА- хәбәр аҝентлијинин вердији хәбәрә әсасән: Мај ајынын 3-ү Јевлахын фәал диндарларындан олан Һаҹы Рамин Гулијев сәрбәст бурахылыб.
Бу барәдә Һаҹы Рамин Гулијевин өзү мәлумат вериб.
Јевлахлы фәалын билдирдијинә ҝөрә, о Ҝүрҹүстан-Азәрбајҹан сәрһәддиндә Баш Ҝөмрүк идарәсинин әмәкдашлары тәрәфиндән сахланылыб.
"Мај ајынын 3-ү сәһәр саатларында машынларын гијмәтләрини өјрәнмәк нијјәти илә Ҝүрҹүстан республикасына ҝедирдим. Ҝүрҹүстан-Азәрбајҹан сәрһәддиндә "Гырмызы Көрпү" мәнгәтәсиндә Баш Ҝөмрүк идарәсинин әмәкдашлары ахтарышда обдуғуму билдирәрәк мәни сахладылар. Ахтарышда олдуғум һагда вә бу барәдә мәнә һеч бир мәлумат верилмәдијини билдирсәм дә, мәсәләнин арашдырылмасы үчүн мәни Газах Рајон Баш Полис Идарәсинә апардылыар. Орада бир ҝүн галдыгдан сонра мај ајынын 4-ү сәһәр саатларында Бакыја "Мүтәшәккил Ҹинајәткарлыға Гаршы Мүбаризә" Идарәсинә ҝәтирилдим. Нијә бура ҝәтирилдијими суал етдикдә, ахтарышда олдуғуму билдирдиләр. Баш Ҝөмрүк идарәсинин әмәкдашларына билдирдијим кими, "Мүтәшәккил Ҹинајәткарлыға Гаршы Мүбаризә" Идарәсин әмәкдашларынада бу барәдә мәлуматландырылмадығымы сөјләдим."- Һаҹы Рамин Гулијев дејиб.
Бакы шәһәри "Мүтәшәккил Ҹинајәткарлыға Гаршы Мүбаризә" Идарәсиндә сахланылан Һаҹы Рамин Гулијев бир неҹә саат диндирилдикдән сонра Бакы шәһәр Баш Полис Идарәсинә апарылыб. Орада да бир неҹә саат диндирилдикдән сонра мај ајынын 4-ү ахшам саатларында сәрбәст бурахылыб.
Диггәт: Хәбәрдән истифадә етдикдә мәнбәјә истинад лазымдыр
