Ислам аләминдә чох ҝөзәл вә өнәмли ҝүнләрдән бири Пејғымбәр (с) бағчасынын ҝүлү Һәзәрәт Ханым Фатимеји Зәһранын (с.ә) доғум ҝүнүдүр. Бу әзиз ҝүн мүсәлманлар арасында бөјүк шөвглә гејд олунур. Ҝәнҹ өз севҝилсини, евил өз ханымыны, анасыны, баҹысыны, гоһумларыны бу әзиз ҝүн васитәси илә тәбрик едир. 24 мај тарихи дә белә бир ҝүнә тәсадүф едирди. Инанҹлы инсанлар өз севинҹ дујғуларыны бөлүшмәк үчүн дәнизкәнары парка истираһәт етмәјә, бу әзиз ҝүнү гејд етмәјә чыхмышды. Амма маләсәф, бу дәфә дә онларын һүгуглары позулду.
Сән демә јахынлыгдакы зоопаркын гапысы ачыг галыбмыш. Елә дәһшәт дә бундан сонра башлајыб. Хүсуси тәлим ҝөрмүш һејванлар инсанлара һүҹум едиб. Еее бағышлајын инанҹлылара. Дедим ахы хүсуси тәлим ҝөрмүш һејванлар. Севинҹ ичиндә олан инанҹлылар да галыблар чаш-баш. Өзләрини итирибләр. А балам бу нә мәсәләди!? Ҝүнүн ҝүнорта чағы адама һүҹум чәкәрләр! Өзү дә дәнизкәнары паркда! Сонрадан јајылан бу хәбәр өз тәсдигини тапмады. Дедиләр ки, инсанлара һүҹум едән полисләр олуб. Өз-өзүмә дедим ки, әши мән дејирдим дә һејванлар белә шеј етмәз. Ахы онлар хүсуси тәлим ҝөрмүш шүурсуз инсанлардыр.
Јевровижыны лүт-үрјан шәкилдә күчәлрәдә гејд едән үздәнираглара шәраит јарадан Азәрбајҹан полси нәдәнсә, мүсәлман ҝөрәндә алерҝијаја тутулар. Тез-тәләсик ҹумурлар үстләринә. Нә јемисән … Валлаһ мән баш ача билмирәм. Бу полисләрә нә әти верирләр, нә тәлими кечирләр. Сиз баш ачырсынызса, мәнә дә дејин.
Умимијјәтлә, горхаг режимләрин хүсусијјәти будур. Өз мәнафеләрини горумаг үчүн кимлијиндән асылы олмајараг һамыја һүҹум едирләр. Бу ҹүр режимләрдә вәтәндаш, вәтән, халг, гејрәт анлајышы нәинки икинҹи-үчүнҹү планда олур, демәк олар ки, бу ҹүр анлајышлары програмларына дахил етмирләр. Онларда јалныз бир амал вар, вур, дағыт, парчала, ган ич, һөкм сүр. Биз бунун бир даһа шаһиди олдуг. Азәрбајҹан гадыны тәһгир олунду. Полис вәһшилији илә үзләшди. Аиләси илә истираһәтә ҝәләнләрин һәјат јолдашлары һәбс едилди. Ханымларын әлләриндә ҝүл дәстәләри алыныб јерә атылды. Һәтта бәзи шәрәфсизләр гадынлара сөјүш сөјмәкдән белә чәкинмәди. Инди сиз өзүнүз дәјәрләндирин бу баш верәнләри. Өз вәтәндашына дәјәр вермәјән бир һакимијјәтлә јашајырыг.
Бәсдирин шәрәфсизлик, гејрәтслик етдиниз. Јетәр артыг халгын һејсијјаты илә ојнадыныз. Халга гуҹаг ачын. Халгла олун. Киши олун, әҝәр баҹарырсынызса!
