Әһли Бејт -АБНА- хәбәр аҝентлијинин вердији хәбәрә әсасән: ЈАП-ын сәдр мүавини, иҹрачы катиб Әли Әһмәдов јенә мүхалифәтчи ҝәнҹләрлә бағлы әнәнәви фикирләрини дилә ҝәтириб. Ә.Әһмәдов јенә билдириб ки, бәзи партијалар ҝәнҹләрдән өзләринин мәнфи мәгсәдләри үчүн истифадә едирләр. Ә.Әһмәдовун мәнтигинҹә, мәһз мүхалифәт әтрафында бирләшән ҝәнҹлик сәһв јолдадыр. “Ким бу тәләјә дүшүбсә, о ҝәнҹләрин һәјаты сыныр. Биз буну истәмирик. Ыстәјирик ки, онлар дүз јола јөнәлсинләр”, дејә о, вурғулајыб. Бундан башга, Ә.Әһмәдов әлавә едиб ки, мүхалифәт тәрәфдары олан ҝәнҹләрин фәалијјәти онлар үчүн һеч бир тәһлүкә төрәтмир.
«Биз ҹәмијјәтимизи нараһат едән проблемләри ҝөрдүјүмүздән мүхалифәт дүшәрҝәсиндә тәмсил олунуруг»
АХҸП Ҝәнҹләр Комитәсинин сәдри Әбүлфәз Гурбанлы билдирди ки, Ә.Әһмәдовун вахташыры бу ифадәләрә мүраҹиәтини әввәләр дә мүшаһидә едибләр. Ә.Гурбанлынын фикринҹә, әҝәр Ә.Әһмәдов һәгигәтән дә ҝәнҹлијин дурумуна јанырса, о заман мәһз һакимијјәтин јүрүтдүјү јарытмаз сијасәт нәтиҹәсиндә мүхтәлиф проблемләрлә үзләшән 2 милјондан артыг ҝәнҹимизин талеји барәдә данышсын: “Һазырда ҹәмијјәтимиздә хејли сајда ҝәнҹ сосиал, сијаси, иҹтимаи проблемләрлә үз-үзәдирләр. Бүтүн бунлара ҝөрә исә һакимијјәт мәсулијјәт дашыјыр. Һакимијјәт әтрафында ҹәмләшән ҝәнҹлик исә әдаләтсизлијә ҝөз јуммагла мүәјјән имтијазлар, мандат әлдә едир. Биз исә ҹәмијјәтимизи нараһат едән проблемләри ҝөрүрүк, она ҝөрә дә мүхалифәт дүшәрҝәсиндә тәмсил олунуруг. Вә чалышырыг ки, Азәрбајҹанда демократик ҹәмијјәтин гурулмасында бизим дә әмәјимиз олсун”.
«Мүхалифәтчи ҝәнҹләрин фәалијјәтиндә тәһлүкә ҝөрмүрләрсә, нијә хејли ҝәнҹи фикирләринә ҝөрә һәбсдә сахлајырлар?»
Мүсават Ҝәнҹләр Комитәсинин сәдр мүавини Сәхавәт Солтанлы да билдирди ки, сөјләниләнләр Ә.Әһмәдовун әнәнәви фикирләридир. Мүхалифәтдә тәмсил олунан ҝәнҹләрин Азәрбајҹанын фираван ҝәләҹәји уғрунда мүбаризә апардыгларыны вурғулајан С.Солтанлы гејд едиб ки, ЈАП әтрафында топлашан ҝәнҹләр өзләринә мүвәггәти тәминатлы һәјат гурсалар да, тутдуглары јол јанлышдыр: “Мүхалифәти тәмсил едән ҝәнҹләр сивил дүшүнҹәләри вә просесләрә мүстәгил бахышлары илә фәргләнирләр. Әҝәр Әли Әһмәдов мүхалифәтчи ҝәнҹләрин фәалијјәтләриндә һеч бир тәһлүкә ҝөрмүрсә, нәјә ҝөрә Мүсават Ҝәнҹләр Тәшкилатынын сәдри дә олмагла хејли ҝәнҹи һәбсдә сахлајырлар. Мүхалифәтчи ҝәнҹләр демократик азадлыглар, инсан һүгуглары уғрунда мүбаризә апарырлар. Бурада ганунсуз вә тәһлүкәли нә вар ки?”.
Һикмәт
Диггәт: Хәбәрдән истифадә етдикдә мәнбәјә истинад лазымдыр
