Әһли Бејт -АБНА- хәбәр аҝентлијинин вердији хәбәрә әсасән: “Һиҹаба азадлыг” аксијасында һәбс едилмиш илаһијјатчы Талеһ Бағыров Бакы Истинтаг Тәҹридханасында сахланылыр. “Азадхебер.аз” сајтына данышан вәкил Интигам Һаҹыјев мајын 25-дә истинтаг тәҹридханасында илаһијјатчы илә ҝөрүшдүјүнү дејиб: “Талеһ Бағыровун сәһһәти јахшыдыр, һеч бир чәтинлији јохдур”.
Мајын 6-да тутулараг 15 сутка инзибати һәбс ҹәзасы алан Талеһ Бағыров барәсиндә 2 ајлыг һәбс гәтимкан тәдбирини мајын 21-дә Хәтаи Рајон Мәһкәмәси сечиб. О, Ҹинајәт Мәҹәлләсинин 233-ҹү маддәси илә (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) шәррләнилир.
“Һиҹаб аксијасы” мајын 6-да Бакыда, Тәһсил Назирлијинин бинасы гаршысында кечирилиб. Бу аксијаја ҝөрә Бакы Шәһәр Прокурорлуғунда Ҹинајәт Мәҹәлләсинин 221.2.2. (иҹтимаи гајданын горунмасы үзрә вәзифәни јеринә јетирән вә ја иҹтимаи гајданын позулмасынын гаршысыны алан һакимијјәт нүмајәндәсинә вә ја диҝәр шәхсә мүгавимәт ҝөстәрмәклә хулиганлыг) вә 221.3. (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) маддәләри илә шәррләниләрәк иш ачылыб. Гејри-рәсми мәлумата ҝөрә, индијә гәдәр 10 нәфәрдән чох шәхсә ҹинајәт иши галдырылыб.
Диггәт: Хәбәрдән истифадә етдикдә мәнбәјә истинад лазымдыр
