Әһли Бејт -АБНА- хәбәр аҝентлијинин вердији хәбәрә әсасән: Мисирин “Тәһрир” мејданында динҹ әһалијә гаршы атәш ачан полис нәфәрләриндән бири едама мәһкум едилиб.
Гәрар тәсдигләнмәк үчүн өлкә мүфтисинә ҝөндәрилиб. Мәһкәмә Мәһәммәд Суннини 18 нәфәри өлдүрмәкдә, үчүнү исә јараламагда тәгсирли һесаб едиб. Мүфтилијә ҝөндәрилән сәнәдләрин ијун ајында тәсдигләнәҹәји ҝөзләнилир. Мәһкәмәдә тәхминән 75 нәфәр шаһид динләнилиб.Мәһкәмә ҹинајәткарын гачмамасы үчүн дәрһал һәбс едилмәсини әмр едиб. Әзһәр шејхи Әһмәд Тајјиб исә Һ.Мүбарәјә гаршы әдаләтли рәфтар едилмәси һагда һеч бир сөз демәдијини, әксинә, рәһмәтин анҹаг әдаләтлин бәрпа едилмәсиндән сонра ортаја чыхаҹағыны билдириб.
Диггәт: Хәбәрдән истифадә етдикдә мәнбәјә истинад лазымдыр
