Азәрбајҹан Демократ Партијасынын сәдри Сәрдар Ҹәлалоғлунун мүсаһибәси:
- Сон ҝүнләр дүнја мәтбуатында “Еуровисион-2011” маһны мүсабигәсиндәки галибијјәтин Азәрбајҹана ингилаб ҝәтириләҹәји барәдә хәбәрләр јајылыр. Сиз неҹә дүшүнүрсүз?
- Азәрбајҹанын “Еуровисион” маһны мүсабигәсиндә галиб ҝәлмәсинин өзү ингилабдыр. “Еуровисион” ҝеј параддыр. Ислам дүнјасында христиан дүнјасындан фәргли олараг ҝејләрә мүнасибәт тамамилә фәрглидир. “Еуровисион”у ҝуја Азәрбајҹанда сијаси дәјишилмәләрә, ингилаблара ҝәтириб чыхараҹаг кими дејилән фикирләрин һеч бир әсасы јохдур. Чүнки биринҹиси “Еуровисион”да бизим әлдә етдијимиз гәләбә, билирсиниз ки, бу ҹүр бејнәлхалг јарышмалардакы гәләбәләрин әлдә едилмәсинин архасында һеч дә јарыша чыхан адамларын һеч дә фитри истедадлары јох, һәмин јарышда иштирак едән тәрәфләрин ролу вар. Мәсәлән мүасир дүнјада футбол клубларынын галибијјәти онларын мадди имканлары илә бағлыдыр. Һансы футбол клубунун бөјүк мадди ресурслары варса, дүнјанын ән мәшһур футболчуларыны алыб вә јахуд да һакимләрин әлә алыр вә нәтиҹәдә өз гәләбәсини тәмин едир. Бу ҹүр јарышлар да истисна дејил. Мәсәлән рәсми мәлуматлара ҝөрә, Азәрбајҹан мүсабигәдә бу гәләбәјә 2 милјон авро пул хәрҹләјиб. Һесаб едирәм ки, реал хәрҹләр бундан бәлкә дә 10-15 дәфә чохдур. Чүнки биз “Еуровисион”а верилән гијмәтә баханда ҝөрүрүк ки, “Еуровисион”ун әсас тәшкилатчылары, узун илләр “Еуровисион” мәһз бу дөвләтләрин иштиракы илә кечирилән мүддәт классик Авропа дөвләтләринин рәји даһа дәгиг вә ајдын мәнаја маликдир. Бу дөвләтләрин вердији баллара ҝөрә Азәрбајҹан 20-25-ҹи јердәдир. Нә Алманија, нә Франса, Инҝилтәрә, Һолландија, Данимарка, Италија вә с. Азәрбајҹана елә јүксәк гијмәт вермәјибләр. Ајрылыгда онларын гијмәтләрини ҝөтүрсәк, онларын гијмәтләри илә Азәрбајҹан һардаса 20-25-ҹи јердәдир. Јалныз кечмиш ССРИ мәканында вә Авропанын бир-ики Малта, Андорра кими кичик дөвләтләринин һесабына, әсасән Украјна, Русија, Молдова, Румыныја кими кечмиш ССРИ дөвләтләри вә сосиалист өлкәләрин һесабына Азәрбајҹан биринҹи јер тутуб. Биринҹиси бу ону ҝөстәрир ки, Азәрбајҹанын гәләбәси авропалыларын мејарлары бахымындан гәләбә дејил, сонрадан Авропаја гошулан өлкәләрин мејарлары бахымындан гәләбәдир. Биз буну там мүтләг гәләбә кими дә гијмәтләндирә билмәрик. Икинҹиси, гәләбәнин әлдә олунмасы Азәрбајҹан вәтәндашларынын фәаллығындан мејдана ҝәлмәјиб. Билирсиниз ки, һеч бир өлкә өз командасына сәс вермир. Она ҝөрә дә бизим гәләбәмизи әҝәр башга дөвләтләрдә верилән сәсләр мүәјјәнләшдирирсә, онда гәләбә сәси верән дөвләтләрдә ингилаба сәбәб олсун. Азәрбајҹан халгынын о гәләбәнин әлдә олунмасында иштиракчылыгдан башга һеч бир ролу јохдур. Чүнки сәсләри верән тамамилә башга дөвләтләрдир. Она ҝөрә дә мән
