Әһли Бејт АБНА хәбәр аҝентлијинин вердији хәбәрә әсасән: “Әл Гаидә” террор тәшкилатынын јени лидери Сејф әл Аитдл Лондонда иримигјаслы террор акты һазырлајыр. Бу барәдә Британијанын “Даилј Маил” гәзети јазыб. Гәзет мәлуматы “Тәһрики талибани Пакистан” (Пакистан Талибан һәрәкаты) груплашмасынын мәтбуат катиби Еһсанулла Еһсанын бәјанатына истинадән јајыб. Груплашманын нүмајәндәләринин “Әл Гаидә” илә бунунла бағлы данышыглар апардығы билдирилир.
“Даилј Маил”ин мәлуматына ҝөрә, “Әл Гаидә” лидери Үсәма бин Ладен өлдүрүлдүкдән сонра мисирли әл Адил онун вәзифәләрини иҹра етмәјә башлајыб. О, һәрәката рәһбәрлик етдији илк ҝүнләрдән бәјан едиб ки, бин Ладенин өлүмүнә ҝөрә гисас алаҹаг вә тәрәфдарларына һәрәкәтә кечмәк ҝөстәриши вериб.
“Јени лидеримиз Лондона даир бөјүк планла бағлы сорушду. О, Бөјүк Британијаны Авропанын өзүлү һесаб едир вә дүшүнүр ки, мәһв едилмәлидир”, - гәзет Пакистан талибанларынын нүмајәндәсиндән ситат ҝәтирир.
КИВ-ин мәлуматына ҝөрә, “Талибан” вә “Әл Гаидә” нүмајәндәләри Пакистан сәрһәдиндә 51 јашлы Сејф әл Адилин јени вәзифәјә тәјинаты илә бағлы ҝөпрүшүбләрө. О, әввәлләр бин Ладенин тәһлүкәсизлик мәсәләләри үзрә көмәкчиси олуб. Мәлуматы “Сун” гәзети јајыб. “Даилј Маил” исә хәбәр верир ки, Сејф әл Ислаи вахтилә “Исламын гылынҹы” ләгәби илә Әфганыстанда ССРИ гошунларына гаршы вурушуб.
Диггәт: Хәбәрдән истифадә етдикдә мәнбәјә истинад лазымдыр
