Әһли Бејт АБНА хәбәр аҝентлијинин вердији хәбәрә әсасән: Јахын Шәрг Өлкәләринин Олигархларына гаршы едилән үсјанлар артыг шәрг Олигархларынын Авропадакы һимајәдарларыны да бүрүмәкдәдир. Беләки Испанијаны етираз далғасы бүрүјүб. Өлкәнин пајтахты Мадриддә минләрлә адам мәркәзи мејданда етираз аксијасы кечирмәјә давам едир. "Пуерто дел Сол" мејданына топлашан вә ҝүнләрдир бурада ҝеҹәләјән испанлар игтисади бөһран вә сијасәтчиләрин рүшвәтхорлуғуна гаршы етираз етдикләрини бәјан едирләр. Һөкумәтин ишсизликлә мүбаризәдә ҝөрдүјү тәдбирләри дә јетәрсиз сајылыр.
Һазырда Мадридин мәркәзи мејданында 30 минә јахын адамын топлашдығы билдирилир. Онлар мејданы әсл чадыр шәһәрҹијинә чевирибләр. Бурада јүзләрлә дүшәрҝә гурулуб. Бәзи аксија иштиракчылары сөз азадлығындан мәһрум олдугларыны ифадә етмәк үчүн ағызларыны јапышган лентлә бағлајыблар.
Етираз аксијалары фонунда исә бу ҝүн Испанијада јерли вә бәләдијјә сечкиләри кечирилир. Һөкумәт бу ҝүн нүмајиш кечирмәји гадаған етсә дә, аксија иштиракчылары мејдандан чыхмаг истәмирләр. Нүмајишчиләр "һеч бир сијаси партијаны дәстәкләмәдикләрини" билдирибләр.
Гејд едәк ки, Испанијада мајын 15-дән давам едән күтләви аксијалар Барселона, Валенсија кими ири шәһәрләр дә дахил олмагла, өлкәнин 50-јә јахын шәһәриндә кечирилир.
Диггәт: Хәбәрдән истифадә етдикдә мәнбәјә истинад лазымдыр
