Әһли Бејт -АБНА- хәбәр аҝентлијинин вердији хәбәрә әсасән: Ики полис вәтәндашын голуну гандаллајараг өзүндән ҝедәнә гәдәр дөјүбләр
Репортјорларын Азадлыг вә Тәһлүкәсизлик Институту мәлумат јајыб. Мәлуматда дејилир: “Мајын 13-дә Нахчыванын 1 сајлы полис бөлмәсинин әмәкдашлары шәһәр сакини Вилајәт Әсәдову бөлмәјә ҝәтирибләр. Полисләр онун голуну гандаллајараг өзүндән ҝедәнә гәдәр дөјүбләр. Нәтиҹәдә вәтәндаш ҹидди бәдән хәсарәтләри алыб - сол ајағы гырылыб, ајагларынын дамарлары партлајыб.
РАТИ-нин Нахчывандакы мүхбирләри зәрәрчәкмишин евиндә олублар. Вилајәт Әсәдов журналистләрә олајы белә нәгл едиб: “Ахшам саатларында таксинин архасына 5 јешик араг гојмушдум. Бири забит олмагла 3 полис нәфәри мәнә јахынлашды. Онлар машында нә олдуғуну сорушдулар. Билдирдим ки, арагдыр, Шәрура - гардашыма ҝөндәрәҹәјәм. Ганунсуз олдуғуну билдириб сәнәд истәдиләр. Сонра пул сөһбәти олду. Голуму бурараг архада гандалладылар вә 1 сајлы бөлмәјә ҝәтирдиләр. Забитин мәнимлә иши олмаса да, ики сырави полис мәни вәһшиҹәсинә дөјдү”.
Зәрәрчәкмиш дејиб ки, зәрбәләрдән һушуну итириб. Вәзијјәтинин ағырлығыны ҝөрән полисләр ону хәстәханаја апарыблар. Хәстәханада мүајинәдән кечирилиб. Сол ајағы гырылдығы үчүн ҝипсә салыныб. Һәкимин тәгдим етдији сәнәдләри полисләр ҝөтүрүб, сонра ону евләринә ҝәтирибләр.
РАТИ-нин мүхбирләри мәсәләјә мүнасибәт өјрәнмәк үчүн полис бөлмәсиндә олсалар да һеч бир шәрһ ала билмәјибләр.
Диггәт: Хәбәрдән истифадә етдикдә мәнбәјә истинад лазымдыр
