Əһли Бејт -АБНА- хәбәр аҝентлијинин вердији хәбәрә әсасән: Аксија иштиракчысы олмуш Чинҝиз Новрузовун јахынларынын билдирдијинә ҝөрә, сахланылдығы Нәриманов Рајон Полис Идарәси онун һансы маддә илә иттиһам едилдији һагда һеч бир мәлумат вермир. Чинҝиз Новрузов Нәриманов Рајон Полис Идарәсинә мајын 13-ү саат 13 радәләриндә апарылыб. Һазырда аилә Чинҝиз Новрузовун һүгугларыны мүдафиә етмәк мәгсәдилә вәкиллә данышыглар апарыр.
Мајын 6-да Тәһсил Назирлијинин гаршысында кечирилмиш аксијаја ҝөрә Ҹинајәт Мәҹәлләсинин 221.2.2. (иҹтимаи гајданын горунмасы үзрә вәзифәни јеринә јетирән вә ја иҹтимаи гајданын позулмасынын гаршысыны алан һакимијјәт нүмајәндәсинә вә ја диҝәр шәхсә мүгавимәт ҝөстәрмәклә хулиганлыг) вә 221.3. (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) ҹинајәт иши ачылыб. Чинҝиз Новрузова гәдәр 6 мај аксијасына ҝөрә 5 нәфәр һәбсдә иди.
Диггәт: Хәбәрдән истифадә етдикдә мәнбәјә истинад лазымдыр
