Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Телевизија вә Радио Верилишләри Гапалы Сәһмдар Ҹәмијјәтиндән билдирилиб ки, АзТВ-дә һиҹаблы апарыҹы јохдур: “Һиҹабла ефирә чыхмаг олар, ја јох проблеми илә үзләшмәмишик. АзТВ дөвләт телевизијасыдыр вә дөвләтин сијасәтини јүрүдүр. Белә бир проблем јаранса, рәһбәрлик дөвләт сијасәтинә ујғун гәрар верәҹәк”.
Һиҹаб бағладыгдан сонра ефирдән узаглашан тележурналист Лалә Әдаләтгызы дејир ки, Азәрбајҹанын телевизија мәканында һиҹаблы апарыҹыја раст ҝәлинмир: “Мән һиҹаб бағламаг гәрарына ҝәләндә апарыҹылыгдан узаглашдым. Инди продүсерлик, редакторлуг едирәм. Билирәм ки, апарыҹы кими ефирә гајытмаг нијјәтинә дүшсәм, проблем јаранаҹаг. Диггәт јетирсәниз, Азәрбајҹанын һеч бир телевизија каналында һиҹаблы гадын апарыҹы ҝөрмәк мүмкүн дејил. Ҝөрүнүр, ефирдә дә һиҹаба гејри-рәсми гадаға вар”.
Диггәт: Хәбәрдән истифадә етдикдә мәнбәјә истинад лазымдыр
