Әһли Бејт АБНА хәбәр аҝентлијинин вердији хәбәрә әсасән: Јәмәндә 1 ајдан чохдур истефасы тәләб олунан президент Әли Абдулла Салеһ тәрәфдарларына мүраҹиәтлә етдији чыхышында өлкә мүхалифәтинин үнванына сәрт месажлар јоллајыб: “Ыгтидара ҝәлмәк истәјәнләр сечкиләрә ҝетмәлидир. Одла ојнамагдан имтина един”.
Өлкә мүхалифәтини “саботажчылар” адландыран Салеһ әлејһдарларына үзүнү тутараг һәр һансы бир тәшкилатын һимајәсиндә һәр һансы бир јердә конструктив диалога һазыр олдуғуну сөјләјиб.
Хатырладаг ки, тәхминән 33 илдир һакимијјәтдә олан Әли Абдулла Салеһин истефасы тәләбијлә аксијалар бир ајдан чохдур давам едир. Президент бир нечә дәфә һакимијјәтдән ҝетмәјә, динҹ игтидар дәјишиклијинә разы олдуғуна даир фикирләр сәсләндирсә дә сонрадан вердији сөзүн үстүндә дурмајыб.
Көрфәз Өлкәләри Әмәкдашлыг Тәшкилатына үзв дөвләтләр Јәмәндәки бөһранын һәлли үчүн “Јол хәритәси” һазырлајараг тәрәфләрә тәгдим едиб. Плана әсасән мүхалифәтин дә иштиракы илә мүвәггәти кечид һөкумәти гурулмалы вә Салеһ бир ај әрзиндә һакимијјәти тәһвил вермәли вә бундан сонра 2 ај мүддәтинә өлкәдә сечкиләр кечирилмәлидир. “Јол хәритәси”нә һәм мүхалифәт, һәм дә игтидар разылыг версә дә сонрадан Јәмән һакимијјәти разылашманы позараг планы имзаламагдан имтина едиб.
Диггәт: Хәбәрдән истифадә етдикдә мәнбәјә истинад лазымдыр
