Әһли Бејт АБНА хәбәр аҝентлијинин вердији хәбәрә әсасән: Испанија һөкумәти зәлзәләдән зәрәр чәкмиш Лорка шәһәриндә 10 мин нәфәри евакуасија етмәк барәдә гәрар гәбул едиб.
"Аҝенҹе Франҹе-Прессе" билдирир ки, Испанијада баш вермиш ики зәлзәлә нәтиҹәсиндә 10 нәфәр һәлак олуб. Онларла инсан хәсарәт алыб.
Биринҹи зәлзәлә 4,4, икинҹиси 5,3 бал ҝүҹүндә олуб.
Јералты тәканларын еписентри өлкәнин шәргиндәки Лорка шәһәри јахынлығында олуб. Зәлзәлә оҹағы 10 км дәринликдә јерләшиб.
Јералты тәканлар нәтиҹәсиндә Лорка шәһәриндә бир чох биналар, о ҹүмләдән орта әсрләрдә инша едилмиш килсә зәрәр ҝөрүб. Онларла автомобил харабалыглар алтында галыб.
Испанијанын баш назирни Хосе Луис Родриҝес Сапатеро тәбии фәлакәт зонасына һәрбчиләрин ҝөндәрилмәсинә вә онларын тәбии фәлакәтин нәтиҹәләринин арадан галдырылмасында иштиракына ҝөстәриш вериб.
Мајын 11-дә Испанијада баш вермиш јералты тәканлар сон 50 илдә өлкәдәки ән бөјүк зәлзәләдир.
Диггәт: Хәбәрдән истифадә етдикдә мәнбәјә истинад лазымдыр
