Әһли Бејт АБНА хәбәр аҝентлијинин вердији хәбәрә әсасән: Тунис Фөвгәладә Мәһкәмәси сабиг президент Зејналабдин Бен Әлинин ишинин Һәрби Прокурорлуға верилмәси гәрары гәбул едиб.
Сабиг дахили ишләр назири Белһаҹ Касеманын вә тәһлүкәсизлик хидмәти рәһбәрләриндән биринин иши дә прокурорлуға ҝөндәрилиб.
Әдлијјә назири Лазар Каруи Шеббинин бәјанатына әсасән, Сәудијјә Әрәбистанына гачан сабиг президент Бен Әли Ҹинајәт Мәҹәлләсинин 18 маддәси илә иттиһам олунур. Бу маддәләрин бәзиләриндә өлүм һөкмү нәзәрдә тутулур.
Хатырладаг ки, бир мүддәт өнҹә Бен Әлинин дөвләт мүшавирләриндән бири онун ишғалчы Исраил режиминин МОСАД кәшфијјат тәшкилаты илә сых әлагәдар олдуғуну вә довләт сирләрини бу тәшкилата өтүрмәјини ашкарламышдыр.
Јанварын 14-дә өлкәни тәрк едән Зејналабдин Бен Әли бир ҝүн сонра Конститусија Шурасынын гәрары илә һакимијјәтдән узаглашдырылыб. 1987-ҹи илдән Туниси идарә едән Бен Әли һакимијјәтдән бир ај давам едән халг һәрәкаты нәтиҹәсиндә әл чәкмәли олуб. Һөкумәт гүввәләри илә халг һәрәкаты иштиракчыларынын тоггушмалары 80-дәк адамын һәлак олмасына ҝәтириб.
Диггәт: Хәбәрдән истифадә етдикдә мәнбәјә истинад лазымдыр
