Дүнјада баш верән сијаси чеврилмәләр Азәрбајҹана да өз тәсирини ҝөстәрир. Наразы халгларын гәләбә илә нәтиҹәләнән демократик етиразлары Азәрбајҹан халгында да ҹанланма вә сијасәтә үмид јарадыб. Һакимијјәт дахилиндә дә бу тәсирләрин мөвҹудлуғу диггәтдән јајынмыр.
Бир мүддәт әввәл дә бу типли јенидәнҹанланмаларын јаратдығы нәтиҹәләр барәдә мәлуматлар вермишдик. Азәрбајҹан һакимијјәти бир нечә група бөлүнәрәк игтисади мухтаријјәтләр шәклиндә идарә олунур. Өлкәдә ачыг шәкилдә сијасәтсизләшдирмә иши апарылыр вә там бир урапатриот күтлә јаратмаг стратеҝијасы тәтбиг едилир. Амма бүтүн бунларын ҹидди нәтиҹә вермәјәҹәјини анлајан груплар фәал вә пешәкар сијаси субјектләрә, бу мәнада сијаси мүхалифәтә вә фәаллашмагда олан иҹтимаи тенденсијалара реверанслар едирләр.
Бу мәсәләдә диггәти ҹәлб едән, һәм дә дипломатик корпусун мәмур корпусу илә һансы мәсафәдә олмасыдыр. Тутаг ки, бир груп мәмур даһа чох хариҹи дипломатларын диггәтиндә ҝөрүнсә дә, бәзиләри үмумијјәтлә, бу активлијин көлҝәсиндә галмаға үстүнлүк верирләр.
Кәмаләддин Һејд
