Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Мүстәгил Мүбариз Руһаниләр Шурасы бу ҝүн Азәрбајҹанда баш вермиш полис вандализмин мәһкум едәрәк бәјанат верди. Бәјанаты сизинҝ нәзәринизә чатдырырыг:
Азәрбајҹан Мүстәгил Мүбариз Руһаниләр Шурасы бу ҝүн сәһәр тәһсил назирлијинин гаршысында диндарларын аксијаларыны дәстәкләјир вә һакимијјәти инсанларын конститусија һүгугларыны тәмин етмәјә чағырыр. Ислам-Азәри.аз-нын хүсуси мүхбиринин һадисә јериндән хәбәр вердији кими сәһәр саат 11.00 радәләриндә Тәһсил Назирлијинин гаршысында аксија кечирән диндарлара вәһшиҹәсинә диван тутулуб. Онларла киши, гадын дөјүлүб, 100-ә гәдәр инсан һәбс едилиб. Ислам мәтбуаты әмәкдашлары һадисә јериндән хәбәр вериб ки, һадисә јеринә ҹәлб едилмиш полис гүввәләри дандарлара гаршы амансызлыг ҝөстәрди, киши, гадын демәдән һамысыны дөјмәјә, һәбс етмәјә башладылар. Тутуланларын арасында гадынлар да вар.
Аксијада 1000-дән артыг инсан иштирак едиб. Полис онларын бир һиссәсини сахлајараг полис бөлмәләринә дашыса да, јердә галанлар инадла аксијаны давам етдирибләр.
Әзиз мүсәлман Азәрбајҹан халгы, әзиз руһаниләр, әзиз диндашлар! Һакимијјәт сүбут етди ки, онун дүшмәнчилији Иран, Түркијә, Әрәбистандакы дини тәшкилатларла јох, бирбаша Гуран вә Аллаһ һөкмләри иләдир. Һиҹаб нә гәрбин, нә шәргин малыдыр. Бу јолда ҹанындан, малындан, раһатлығындан, јухусундан кечән әдаләтсевәр инсанлара тәшәккүр едир, онлары бу мүгәддәс мүбаризәни давам етдирмәјә чағырырыг. AМMРШ-нын Бакы нүмајәндәлији һадисәләри изләјир вә аксијада зәрәр чәкәнләрә вә тутуланлара иҹтимаи дәстәјин ҹәлб олунмасында лазыми тәдбирләри ҝөрәҹәк.
Азәрбајҹан Мүстәгил Мүбариз Руһаниләр Шурасы
Мәтбуат хидмәти
Диггәт: Хәбәрдән истифадә етдикдә мәнбәјә истинад лазымдыр
