Јаранма тарихи
“Јаһова шаһидләри” – јәгин бу ад чохларыныза танышдыр. Оналрын әсас мәрамлары бир дин дөвләти олан танры краллығы јаратмагдыр. Динини јахшы билмәјән вә зәиф инанҹ саһиби олан инсанлар бу дәвәти гәбул едирләр. Бәс Јаһова Шаһидләри кимләрдир? Нә заман јараныб вә һардан ҝәлиб?
“Јаһова Шаһидләри” јәһуди сојлу, дини јөнүмлү, христианлығы вә хүсусилә дә Исламы парчаламаг һәдәфли, шәраитинә ҝөрә дин, мәзһәб, тәригәт, мафија вә с. кими мүхтәлиф ҹәһәтли чох ҝизли ејни заманда чох тәһлүкәли бир тәшкилатдыр.
"Јаһова шаһидләри"нин мүасир тарихи бир нечә әср әввәлә ҝедиб чыхыр. Илк дәфә 1870-ҹи илләрин әввәлләри Аллеҝејнидә (АБШ, Пенсилванија штаты, һазырда Питтсбург) "Мүггәдәс китаб" дәрнәји АБШ-да иш адамы Чарлз Тез Расселл тәрәфиндән јарадылмышдыр. О, бу сектанын мөвгејини Һз. Иса-нын ҝәләҹәји вә гијамәт ҝүнү гопаҹағы әсасында гурмушдур. Америкада дәрҹ етдији илк журналда Һз. Иса-нын 1878–ҹи илдә ҝәләҹәји хәбәрини верди.1879-ҹу илин ијулунда "Сион Ҝөзәтчи Гүлләси вә Мәсиһин зүһурунун мүждәчиси" журналынын биринҹи сајы ишыг үзү ҝөрдү. Лакин, тәбии ки, бу хәбәр һәјата кечмәди. Артыг 1880-ҹи илдә бу балаҹа мүгәддәс китаб дәрнәјиндән диҝәр штатларда онларла јығынҹаглар тәшкил едилмәјә башлады. 1881-ҹи илдә "Сион ҝөзәтчи гүлләси вә трактатлар ҹәмијјәти" јаранды вә 1884-ҹү илдә рәсми олараг гејдијјатдан кечди. Рассел ҹәмијјәтин президенти олду. Бир мүддәт сонра ҹәмијјәтин ады "Ҝөзәтчи Гүлләси вә трактатлар ҹәмијјәти" илә әвәз олунду. Ҹәмијјәтин үзвләри гапы-гапы ҝәзәрәк, евләрә мүгәддәс олдуғуна инындыглары әдәбијјат вермәјә башладылар. Даһа сонра Рассел Һз. Иса-нын 1891 ҹи илдә ҝәләҹәји хәбәрини вермәк үчүн дүнја туруна чыхды. Лакин бу хәбәр дә јалан олду. Алманија, Түркијә, Италијада өзүнә тәрәфдар топлаја билмәјән Рассел башга өлкәләрә үз тутду. О өлдүкдән сонра онун ишини Резерфорд давам етдирди.
Һазырда 230-дан чох өлкәдә тәблиғ олунан 6 милјондан чох инсан өзүнү "Јаһова шаһиди" адландырыр. 1909-ҹу илдә фәалијјәтин дүнја мигјасында јајылмасына гәрар верилди. Рәһбәрлик Бруклинә (Нју-Јорк) көчүрүлдү. Һазырда әсас фәалијјәтләрини дә һәмин мәркәздән идарә едирләр.
"Јаһова шаһидләри" артыг 1870-ҹи илдә "Мүгәддәс китаб тәдгигатчылары" адланырдылар. 1931-ҹи илдән онлар, мүгәддәс китаба әсасән, "Јаһованын шаһидләри" адыны гәбул етдиләр.
"Јаһова шаһидләри"нин әсас тәлимләри "Мүгәддәс Китаба", јәни Төврата, Зәбура вә Инҹилә әсасланыр.
Гејд еәк ки, "Мүгәддәс Китаб" - "Әһди-Әтиг" вә "Әһди-Ҹәдид" адлы ики һиссәдән ибарәтдир. "Әһди-Әтиг"ә Төврат вә Зәбур, "Әһди-Ҹәдид"ә исә тәкҹә Инҹил дахилдир.
Онлар өзләрини "Јаһова шаһидләри" адландырыр. Бу ад ҝөстәрир ки, онлар Јаһова - Аллаһ һаггында шаһидлик етдикләрини иддиа едирләр. Бир чох "Мүгәддәс Китаб" тәрҹүмәләриндә Јаһова ады дејил, "Аллаһ" вә "Рәбб" сөзләри истифадә олунур.
Јаһова Шаһидләринин структуру
Јаһова Шаһидләри үч група бөлүнүрләр. Илк ики груп Аристократ групудур вә онлар “Садигләр” адланырлар; сајлары тәхминән 200 минә јахындыр. Галаны исә ушаг вә ја хидмәтчи сәвијјәсиндә оланлардыр.
Тәшкилата јени үзв оланлар үчүнҹү групдан олмағы әввәлҹәдән гәбул етмәлидирләр.
Онлар бир робот кими садәҹә мәркәздән ҝәлән әмрләри јеринә јетирирләр.
Онлар ширин сөһбәтләрлә ҝәнҹләри, хүсусән, мүсәлман ушагларыны алдатмаға, өз амалларына хидмәт ҝөстәрмәјә мәҹбур етмәјә чалышырлар. Телефон данышыг мәркәзләриндән алдыглары үнванлара брошурлар, китаблар ҝөндәрирләр; ҹәлбедиҹи, ҝәнҹ гызлары гапы-гапы долашдырараг евләрә, иш јерләринә бу брошур вә китаблары дағыдырлар.
Дини ҝөрүнүшлү бу тәшкилатын јајым евләри, виллалары, мәктәбләри, мүхтәлиф комитәләри вә мүфәттишләри вардыр.
“Ҝөзәтчи гүлләси” вә “Үсјан” адлы мәҹмуәләрини ајда 5 милјондан артыг тиражла нәшр едиб пајлајырлар.
Әсас инанҹлары
1. Јәһудиләрин мүгәддәс китабы олан Төвратда ады чәкилән ЈАҺОВАнын танры олдуғуна, ИСА пејғәмбәрин дә “Јаһова өлкәси”нин рәһбәри олдуғуна инанырлар.
2. Заһирдә христианларын китабы олан ИНҸИЛә дә инанмыш ҝөрүнүрләр вә ону марагларына ујғун олараг шәрһ едиб, анладырлар. Иса пејғәмбәри вә Инҹили өз һәдәфләри (Дүнјаны әлә кечирмәк вә дини-дүнјәви бир дөвләт гурмаг) үчүн аләт кими истифадә едирләр.
3. Ахирәтә – ҹәннәтә инанмырлар, инанҹларына ҝөрә ҹәннәт дүнјада вә ҝүман етдикләри мәмләкәтләриндәдир. Шејтан да бу дүнјанын ҝөзәҝөрүнмәз идарәедиҹисидир.
4. Иса пејғәмбәрин 1914-ҹү илдән Танрынын краллығыны гурмаға башладығына инаныр вә бундан әлавә, Исанын әсҝәрләрилә бирликдә бир “Ниҹатвериҹи” дөјүшә ҝиришиб јер үзүндәки бүтүн һөкмдарлары, сијаси гурумлары, дөвләтләри, милләтләри, гысасы (өз тәбирләрилә) шејтанын ҝүҹләрини јох едәҹәјинә вә беләҹә Танрынын краллығынын да, ҝөрүнүр һәлә гаршыда олдуғуна инанырлар.
5. Руһа вә сонсузлуға инанмырлар.
6. Өзләринә мәхсус ибадәтләри вардыр, буна “Крал Салону” ады верирләр.
7. Инсан гардашлығы садәҹә онлара мәхсусдур, бу, диҝәр инсанлара аид дејилдир. “Јаһова шаһиди” олмајан һәр кәс – онлара ҝөрә – бир һејвандыр, кечидир вә “Јаһова Шаһидләри”нә гаршыдыр.
8. Бүтүн режимләрә гаршыдырлар. Ҹамааты үсјана тәһрик едирләр. Јәһудиликдән башга бүтүн динләри дүшмән билирләр; рәһбәрләринин һамысы јәһудидир. Һәр “Јаһова шаһиди” танры гәбул етдикләри Јаһованын әсҝәридир; әсҝәрлијә ҝетмир, дөвләт бајрағыны танымырлар.
9. Јәһудилијин мүгәддәс сајдығы он доггуз китабын мүгәддәслијини гәбул едирләр.
10. Христианларын тәслис инанҹыны, јәни Ата-Оғул-Руһул Гүдс үчлүјүнү Јеһова-Оғул-Руһул Гүдс кими гәбул едирләр. Даһа доғрусу Аллаһын үч шәхсдә бүтөвлүк тапдығыны гәбул етмир. "Ата" олдуғуна инандыглары Јаһова "ваһид һәгиги" Аллаһдыр. Һәзрәти Исанын онун табелијиндә олан оғлу олдуғуну гәбул едирләр. "Ата" "оғул"дан бөјүкдүр. "Мүгәддәс руһ"ун шәхсијјәт дејил, Аллаһын фәал гүввәси олдуғуна инанырлар.
“Јаһова шаһидләри” Азәрбајҹанда
Совет Иттифагынын дағылмасындан вә Гәрбин Азәрбајҹана ајаг ачмасындан сонра бәзи дини груп вә миссијалар да бу ислами өлкәјә дахил олмаға башладылар.
Әсаслы малијјә дәстәјинә малик бу дини тәшкилатлар өз дин вә адәт әнәнәләрини Азәрбајҹанын мүсәлман халгына гәбул етдирмәк үчүн чох бөјүк сәјләрә башладырлар. Бу групларын биридә “Јаһова шаһидләри
