Әһли Бејт -АБНА- хәбәр аҝентлијинин вердији хәбәрә әсасән: Ислам Ингилабынын Бөјүк Рәһбәри дүшмәнләрин севинҹинә вә достларын нараһатлығына сәбәб олаҹаг һәрәкәтләри гәбул олунмаз адландырараг, бу кими һәрәкәтләрдән чәкинмәји зәрури һесаб едиб.
Ислам Ингилабынын Бөјүк Рәһбәри Һәзрәт Ајәтуллаһил Үзма Хаменеи Али Вилајәтләр Шурасынын үзвләри вә вилајәт мәркәзләринин мерләри илә ҝөрүшдә шәһәр вә кәндләрдәки Ислам Шураларыны Иран Ислам Республикасы гурулушунун ифтихарларындан вә халгын истәји илә формалашан гурумлардан һесаб едиб.
Һәзрәт Ајәтуллаһул Үзма Хаменеи Шуралар гурумуну сон дәрәҹә мүһүм, дәгиг, һәссас вә дәрин мәнаја малик мөвзулардан адландырыб вә дејиб: Конститусијада нәзәрдә тутулан шәһәр вә кәндләрдә Ислам Шураларынын јарадылмасы принсипи Иран Ислам Республикасы гурулушунун өлкәнин идарә едилмәсиндә фикир мүхтәлифлијинә, мәсләһәтләшмәләрә вә чешидли бахышлара диггәт вә әһәмијјәт вермәсинин нишанәсидир вә бу мәсәлә иртиҹачы вә зоракы гурулушларын там гаршы тәрәфиндә јер алан бир мәсәләдир.
Ислам Ингилабынын Бөјүк Рәһбәри әлавә едиб: Иран Ислам Республикасынын ифтихары одур ки, елә илк ҝүндән халгын бахышы, нәзәри вә истәји ҹидди шәкилдә диггәт мәркәзиндә сахланылыб.
О һәзрәт сөзләринин давамында шураларын өлкәнин идарә олунмасында тәсирли рола малик олдугларыны гејд едәрәк, шураларын горунмасы вә ҝүҹләндирилмәсини зәрури адландырыб вә дејиб: Шуралар һагда мүһүм мәсәләләрдән бири бу иҹтимаи гурумда өлкәнин чешидли иглим , адәт вә әнәнәләринә ҹавабдеһ олмагдыр.
Ислам Ингилабынын Бөјүк Рәһбәри Иран Ислам Республикасы гурулушунун әсас вә өнәмли хүсусијјәтләриндән мүстәгиллик вә маһијјәтинә ишарә едәрәк, вурғулајыб: Иран Ислам сајәсиндә өз иранлы маһијјәтини горумаға наил олду вә бу һәгигәт бүтүн хидмәт саһәсиндә өзүнү бүрузә вермәлидир.
Диггәт: Хәбәрдән истифадә етдикдә мәнбәјә истинад лазымдыр
