Әһли Бејт -АБНА- хәбәр аҝентлијинин вердији хәбәрә әсасән: Һакимијјәтин ингилаб далғасынын Азәрбајҹана кечмәмәси үчүн “хилас планы” һазырладығы барәдә өтән сајларымызда мәлумат вермишдик. Билдирмишдик ки, планда лобби тәшкилатлары васитәсилә бејнәлхалг медиада һәтта һакимијјәти тәнгид руһунда олса да белә, Азәрбајҹанда һәр һансы ингилабын баш вермәјәҹәји барәдә мәгаләләрин дәрҹ едилмәси, ејни заманда Гәрб дипломатларынын, стратегләринин, профессорларынын өлкәмизә сәфәрләринин тәшкили вә онларын бурада ингилаб әлејһинә данышдырылмасы да јер алыб.
Бунун үчүн күлли мигдарда малијјә вәсаити ајрылыб. Бу, Азәрбајҹанда иҹтимаи рәји чашдырмаг, фәаллашан ҹәмијјәтин үмидсизлијә гапанмасы үчүн дүшүнүлүб. Јаздыгларымыз тәсдигини тапмагдадыр. Азәрбајҹан президенти јанында Стратежи Арашдырмалар Мәркәзиндә “Барак Обама администрасијасы вә Ермәнистан-Азәрбајҹан, Дағлыг Гарабағ мүнагишәси” мөвзусунда дәјирми масанын кечирилмәси буна мисал ола биләр. Һәмин тәдбирдә Ысраилин Һајфа Университетинин профессору Бренда Шаффер вә АБШ-ын Ҹорҹ Вашингтон Университетинин профессору Кори Велт әсас мәрузәчиләр гисминдә чыхыш едибләр. Бу адамлар чыхышларында Обама администрасијасынын үнванына тәнгидләр сәсләндирибләр. Һәтта АБШ-Азәрбајҹан мүнасибәтләриндә јаранмыш ҝәрҝинлијә ҝөрә Ағ Еви иттиһам етмәкдән дә чәкинмәјибләр. Бундан башга Бренда Шаффер АПА-ја мүсаһибәсиндә әрәб ингилабларынын Азәрбајҹана һеч бир тәсири олмајаҹағыны иддиа едиб. Онун фикринҹә, үмумијјәтлә ингилабларын баш вердији өлкәләрлә Азәрбајҹан арасында паралелләр апармаг доғру дејил. Гысасы, һәр ики профессор әсл ЈАП-чы кими Азәрбајҹан һакимијјәтинин һазырладығы конспекти јахшыҹа әзбәрләјибләр. Бу чыхыш үчүн исә һакимијјәт тәрәфиндән лајигли шәкилдә мүкафатландырылыблар.
Диггәт: Хәбәрдән истифадә етдикдә мәнбәјә истинад лазымдыр
