Әһли Бејт -АБНА- хәбәр аҝентлијинин вердији хәбәрә әсасән: Рәгәмсал јајыма кечид үчүн һазырлыг ҝедир. Рәгәмсал јајыма кечәндән сонра һөкумәтин мүвафиг структурлары әһалијә 10-дәк хариҹи телеканалдан ибарәт пакет тәклиф едәҹәк, галан каналларын исә јајымына имкан верилмәјәҹәк. Рәгәмсал јајымын тәләбләринә ҹаваб вермәјән телевизорларын да идхалы дајандырылаҹаг. Бир сыра һүгуги вә техники мәсәләләр һөкумәтин мүвафиг структурлары илә разылашдырылыб.
Заһирән бу аддыма сәбәб өлкә әразисиндә телевизија каналларынын рәгәмсал јајыма кечиди илә бағлыдыр...
Назирләр Кабинетиндән билдирирләр ки, јахын бир-ики илә пејк антеналарынын да өлкәјә идхалынын дајандырылаҹағы ҝөзләнир. Ондан сонра евләрин дамында вә ејванларында пејк антеналары олмајаҹаг.
Чанаг антеналары идхалынын дајандырылмасы илә рәгәмсал јајымын әһатә даирәси ҝенишләнәҹәк вә кабел телевизијасы инкишаф етдириләҹәк. Просес чәрчивәсиндә биналарда вәтәндашларын гурдуғу чанаг антеналарынын коллектив антеналарла әвәзләнмәси һәјата кечириләҹәк.
Хатырладаг ки, "пејк антеналары"нын јығышдырылаҹағына даир бир мүддәт әввәл рабитә вә информасија технолоҝијалары назири Әли Аббасов да ачыглама вермишди.
Рабитә вә Информасија Технолоҝијалары Назирлијинин мәтбуат хидмәтинин рәһбәри Мүшфиг Әмиров билдириб ки, өлкә әһалисинин 40 фаизиндән чохунун пејк каналларына бахмаг имканы јохдур. Амма пејк антеналарына гојулан јасаг тамашачы һүгугларынын позулмасы кими изаһ едилмир. Назирлик елә систем гураҹаг ки, кејфијјәтли пејк каналына бахмаг үчүн әлавә вәсаит хәрҹләнмәјәҹәк.
Рәгәмсал јајымын тәләбләринә ҹаваб вермәјән телевизорларын идхалынын дајандырылмасына ҝәлинҹә, Мүшфиг Әмиров билдириб ки, һазырда сатышда олан телевизорларын әксәријјәтинин рәгәмсал јајым имканы вар.
Диггәт: Хәбәрдән истифадә етдикдә мәнбәјә истинад лазымдыр
