Әһли Бејт -АБНА- хәбәр аҝентлијинин вердији хәбәрә әсасән: Дөвләт башчысы Ылһам Әлијевин јанында топланты олуб вә бурада өлкәдәки сијаси вәзијјәт, бундан чыхыш јолу мүзакирә едилиб. Бу барәдә “Азадлыг”а һакимијјәтә јахын мәнбә мәлумат вериб. Мәнбә дејир ки, апрел ајындан өлкәдә јаранмыш сијаси ҝәрҝинлик һакимијјәти ҹидди тәшвишә салыб: “Сиз өтән сајларынызда бу мәсәләјә тохунмушдунуз. Лакин һакимијјәт сиз дүшүндүјүнүздән даһа артыг тәшвиш кечирир. Бејнәлхалг тәшкилатларын бәјанатларына истерик ҹаваблар, мүхалифәтә гаршы тотал кампанија да бундан ирәли ҝәлир. Лакин артыг һакимијјәт бу тактиканы дәјишмәк нијјәтиндәдир. Доғру јазмысыныз ки, игтидарда бу тактиканын мүсбәт нәтиҹә вермәдији гәнаәтиндәдирләр”.
Охуҹуларын диггәтинә чатдыраг ки, “Азадлыг”ын өтән сајларында һакимијјәтин әрәб ингилабларынын Азәрбајҹана тәсирини азалтмаг үчүн сечдикләри тактика еффект вермәјиб. Ыгтидар идеологлары да бунун фәргиндәдирләр. Мүхалифәтә гаршы ијрәнҹ тәблиғат, “зәһмәткешләр”ин телевизија екранларына чыхарылмасы ҹәмијјәтдә икраһ доғуруб вә бу, бирбаша һакимијјәтин әлејһинә ишләјиб. Бејнәлхалг тәшкилатлара гаршы апарылан кампанија, онларын Азәрбајҹан мүхалифәтини һимајә етмәси вә с. бу кими иддиалар әслиндә ҹәмијјәтин ојанмасына сәбәб олуб. Үмидсизлијә гапанан мүәјјән кәсим мәһз бу бәјанатлардан сонра фәаллашыб.
Мәнбәнин сөзләринә ҝөрә, һакимијјәт инди јени план һазырлајыб: “Бу план бир нечә һиссәдән ибарәтдир. Биринҹиси, Азәрбајҹанда даһа чох ҹиддијә алынан вә иҹтимаи рәјә даһа чох чох тәсир едән Гәрб мәтбуаты илә ишләмәкдир. Һакимијјәт лобби тәшкилатлары васитәсилә һәтта игтидары тәнгид руһунда олса да белә, ”Азәрбајҹанда һәр һансы дәјишиклик ҝөзләнилмир" кими тезисләрин үзәриндә гурулмуш мәгаләләр дәрҹ етдирмәји дүшүнүр. Бу ја мүәллиф јазылары, ја да һансыса дипломатларын дилиндән сәсләнмиш фикирләр ола биләр. Бунун үчүн күлли мигдарда вәсаит ајрылыб. Ыкинҹиси, һакимијјәт Авропа өлкәләринин һөкумәт нүмајәндәләринин Азәрбајҹана сәфәрләрини тәшкил етмәк нијјәтиндәдир. Бу да дахили аудиторијаја һесабланмыш бир аддымдыр. Бунунла ҝөстәрмәк истәјирләр ки, Гәрб өлкәләринин Азәрбајҹан һакимијјәти илә ҹидди әмәкдашлығы вар. Үчүнҹүсү, әһалинин сосиал вәзијјәтиндә ҹүзи дәјишикликләрә наил олмагдыр. Бу мәгсәдлә тәгаүдләрин, әмәк һагларынын артырылмасы, вәтәндашлара мүхтәлиф адлар алтында сосиал јардымларын верилмәси нәзәрдә тутулур. Нәһајәт, планын сонунҹу һиссәси бирбаша мүхалифәтлә бағлыдыр ки, һакимијјәт әсасән јерләрдә мүхалифәт тәрәфдарларыны мүхтәлиф васитәләрлә әлә алмагла демократик гүввәләри зәифләтмәк истәјир".
Мәнбә дејиб ки, Ылһам Әлијевин јанында кечирилән топлантыда бу план јекдилликлә гәбул олунуб. Лакин експертләр һәтта бу планын да һакимијјәти хилас едә билмәјәҹәји гәнаәтиндәдирләр. Онларын фикринҹә, “јени тактика” олса-олса һакимијјәтин өмрүнү бир гәдәр узада биләр.
Диггәт: Хәбәрдән истифадә етдикдә мәнбәјә истинад лазымдыр
