Әһли Бејт АБНА хәбәр аҝентлијинин вердији хәбәрә әсасән: Бу ҝүн Иҹтимаи Палатанын аксијасында иштирак едән АДП-чи ҝәнҹләр полис вә мүлки ҝејимли шәхләр тәрәфиндән вәһшиҹәсинә дөјүлүб. АДП Ҝәнҹләр Комитәсинин сәдр мүавини Камал Һүсејнов, Низами РТ-нын Ҝәнҹләр Тәшкилатынын сәдри Орхан Һүсејнов, Ҝәнҹләр Комитәсинин үзвү Осман Әһмәдов полис әмәкдашлары тәрәфиндән һәбс олунараг намәлум истигамәтә апарылыб. Сахланыланлар арасында АДП-чи ханымлар да вар. АДП-нин актив ханымларындан олан Хураман Аббасова вә онун гызы Ҝүнел Аббасова да полисләрин зоракылығына мәруз галараг һәбс едилибләр. Онларын Нәсими Рајон Полис Идарәсиндә сахландығы билдирилир.
Диггәт: Хәбәрдән истифадә етдикдә мәнбәјә истинад лазымды
