Әһли Бејт -АБНА- хәбәр аҝентлијинин вердији хәбәрә әсасән: Сон заманлар Азәрбајҹан Республикасында апарылан исламофобиа сијасәти өлкәдә јашајан инанҹлы күтлә илә јанашы бүтүн дүнја мүсәлманларыны, хүсусилә хариҹдә јашајан азәрбајҹанлылары нараһат етмәкдәдир. Ҝөрүнүр, бу нараһатчылығы һәлл етмәк истәмәјән гүвәлләр өз ијрәнҹ мәгсәдләриндә исрарлыдырлар! Азәрбајҹан халгы мүсәлман бир халг олдуғу вә әсирләр боју мүгәддәс ислам дининин дәјәрләри халгымызын иҹтимаи һәјатинда јашандығы үчүн бу ҝүн кимләринсә Ислам дәјәрләрини мәһв етмәјә ҹәһди ән азындан һәмин гүввәләрин халгымызын тарих, мәдәнијјәт вә ментал хүсусијәтләриндән хәбәрсизлијинин бариз ҝөстәриҹисидир.
Һәр кәсә мәлумдур ки, Азәрбајҹанда һеч бир инанҹлы мөмин тәхрибат төрәтмәк вә сабитлији позмаг фикриндә деји! Буну бир мәналы олараг гәбул етмәк лазымдыр ки, бу өлкәнин инанҹлы күтләси дини дәјәрләрин тохунулмаз олдугуна инаныб, инаныр вә инанаҹагдыр.
Сон заманлар Азәрбајҹанда өз инанҹыны мүдафиә етмәк мәгсәдилә һаким гүввәләрә сәсләнән вә бизим әгидәмизә тохунанлара мане олун дејән бир гуруп руаһни вә инанҹлы инсанын мүхтәлиф бәһанәләрлә ардыҹыл шәкилдә һәбс едилмәси азәрбајҹанлы адыјла гүрур дујан һеч бир кәс үчүн үрәк ачан һал кими гијмытлындирилмир.
Каусәр дини иҹтимаи вә мәдәни гурум олараг Татарыстан мухтар республикасында јашајан сојдашларымызын вә јерли мүсәлманларын мүраҹиәтләри әсасында бүтүн үзвләримиз адындан Азәрбајҹанда ислами дәјәрләрә хүсусән орта мәктәбләрдә һиҹаба гаршы апарылан ијрәнҹ сијасәти писләјир вә бу гадағаја етираз етдикләринә ҝөрә һәбс едилән инсанларын тезликлә азад едилмәсини уҹа танридан диләјирик!
Сонда Азәрбајҹанда ислами дәјәрләри мәһв етмәјә чалышан вә инанҹлы инсанлары мүхтәлиф јолларла әзијәт едән гүввәләрә имам Сәҹҹадын (ә): “Аллаһдан башга көмәји олмајан кимсәјә зүлм етмәкдән горхун!” сифаришини чатдырараг Илаһи ганунларын мәһвинә ҝөстәрилән сәј вә инанҹлы күтләнин инҹидилмәси бир баша улу танрымызла мүбаризә олдуғуну хатырладырыг. Аллаһ таала мүгәддәс гуранын мүхтәлиф ајәләриндә Онунла мүбаризәјә галханларын аҹы агибәтләрини зикр едәрәк бәшәрә бу гәбил ишләрдән чәкинмәји төвсијә етмишдир.
Каусәр бирлијинин сәдри
Фәлсәфә елмләри намизәди һаҹы Фариз Хаммәдли
Диггәт: Хәбәрдән истифадә етдикдә мәнбәјә истинад лазымдыр
