Әһли Бејт -АБНА- хәбәр аҝентлијинин вердији хәбәрә әсасән: Мөвзу илә бағлы Азәрбајҹан Ислам Партијасынын (АИП) Мәтбуат Хидмәтинин рәһбәри Акиф Һејдәрли мүнасибәт билдирәрәк, баш прокурорун биринҹи мүавининин чыхышыны гејри-објектив мүнасибәт адландырб. "Илк өнҹә гејд етмәк истәјирәм ки, Азәрбајҹан Ислам Партијасы Мусават Партијасындан сонра гејдијјатдан кечмиш икинҹи партијадыр. Партијамыз 1992-ҹи илин декабр ајында гејдијјатдан кечиб вә буна шүбһәси оланлар архив сәнәдләринә баха биләр. Рүстәм Усубовун Ислам Партијасынын гејри-гануни фәалијјәт ҝөстәрмәси илә бағлы сөзләри исә, һәгигәти әкс етдирмир. Бу чыхышда үмумијјәтә гејри-објектив вә јалныш мәлуматлардан истифадә олунуб.
Чүнки Азәрбајҹан Ислам Партијасынын үзвләри партијанын намизәди кими 2005-ҹи ил парламент сечкиләриндә иштирак едиб. Һәтта о заман парламент сечкиләрдә АИП сәдринин Конститусија Мәһкәмәси васитәсилә һаглы тәләби јеринә јетириләрәк о намизәд олуб. АИП әввәлҹәдән гејдијјатдан кечсә дә, сонра партијанын фәалијјәтинә манеәләр јарадылараг онун гејдијјаты әлиндән алыныб. Бу һадисә исә 1996-ҹи илдә баш вериб. Амма ону дејә биләрәм ки, партија дәфәләрлә гаршысына гојулан тәләбләрә там ҹаваб верән низамнамә вә мәрамнамә һазырлајараг, Әдлијә Назирлијинә гејдијјат үчүн мүраҹиәт едилиб.
Назирлик исә гејдијјат вермәмәк үчүн, тәгдим олунан сәнәдләри дәјишдирилмәсини истәјиб вә бу тәләб дә јеринә јетирилиб. Сијаси Партијалар һаггында ганунда ҝөстәрилдији кими, Әдлијјә Назирлији партијанын тәләбинә 2 ајдан артыг ҹаваб вермәјибсә, һәр һансы бир партијанын фәалијјәт ҝөстәрмәси гануни олур. Буну да гејд етмәлијәм ки, Әдлијјә Назирлијинин Ислам Партијасы барәдә гејри-гануни аддымлары, партијамызын ганунсуз фәалијјәт ҝөстәрмәси демәк дејил. Бир даһа билдирмәк истәјирәм ки, Ислам Партијасынын Әдлијјә Назирлијинә етдији мүраҹиәтә һә вә ја јох ҹавабы верилмәјиб. Бу ҹавабын верилмәмәси исә Сијаси Партијалар һаггында ганунда ҝөстәрилдији кими, Ислам Партијасынын гануни фәалијјәт ҝөстәрмәсинә әсас верир"-дејә АИП Мәтбуат Хидмәтинин рәһбәри Акиф Һејдәрли билдирди.
Диггәт: Хәбәрдән истифадә етдикдә мәнбәјә истинад лазымдыр.
