Әһли Бејт -АБНА- хәбәр аҝентлијинин вердији хәбәрә әсасән: Бәјанатда дејилир:
"Ливијада баш верән һадисәләр гәрб дөвләтләринин икили стандартлар сијасәтини бир даһа нүмајиш етдирир. Бу һәгигәтдир ки, М.Гәззафи Ливијада ејбәҹәр бир режим јаратмышды, өз халгына һеч бир һүгуг вә сечим имканы гојмамышдыр. Бу вәзијјәт һәр кәс тәрәфиндән писләнилмәлидир. Лакин гәрб дөвләтләринин бу вәзијјәтә бу ҝүнә гәдәр дөзмәси, ән мүхтәлиф сәвијәләрдә Гәззафинин гәбул олунмасы, онун мүхтәлиф өлкәләрдә чадыр гуруб дөвләт башчыларыны гәбул етмәси вә саир ејбәҹәрликләрә дөзмәсини баша дүшмәк олмур. Ҝөрүнүр, гәрб дөвләтләри, бејнәлхалг тәшкилатлар Гәззафи ејбәҹәрликләрини ҝөрмәмәзлијә вурараг, даһа чох игтисади, нефт марагларыны дүшүнмүшләр. Инди һәрәкәтә кечмәләри исә игтисади марагларына јаранмыш тәһлүкә илә бағлыдыр. Бу марагларын наминә исә динҹ әһалини дә мәһв етмәкдән чәкинмирләр.
Бу һадисәләр һәмчинин Гәрб дүнјасынын икиүзлү вә икили стандартларындан хәбәр верир. Бир мүддәт әввәл Ирага, инди Ливијаја гаршы ракетләрдән вә авиасијадан да истифадә етмәклә ән кәскин һәрби мүдахиләјә әл атан Гәрб дөвләтләри ишғалчы вә террорчу Ермәнистан режиминә гаршы ади санксијалар да тәтбиг етмәкдән чәкинирләр. Ермәнистанын тәҹавүзү нәтиҹәсиндә Азәрбајҹан торпаглары зәбт едилмиш, 1 милјондан артыг инсан өз јурдларындан говулмуш, минләрлә инсан, о ҹүмләдән ушаг вә гадынлар гәтлә јетирилмишдир. Ливијаны дәрһал мәһв етмәјә башламыш АБШ, Инҝилтәрә, Франса, һәмчинин онларын рәһбәрлик етдикләри бејнәлхалг тәшкилатлар нә үчүн ермәни ишғалы вә вәһшилијини ҝөрмүр вә ја ҝөрмәк истәмирләр?! Биз бејнәлхалг бирлијин бу икили стандартлар сијастини иттиһам едир вә бу сијасәтә гаршы нифрәтимизи билдиририк. Биз һесаб едирик ки, АБШ, Инҝилтәрә, Франса вә диҝәр дөвләтләр, БМТ, НАТО дәрһал ишғалчы вә террорчу Ермәнистан режиминә гаршы һәрби әмәлијјатлара башламалы, јахуд Азәрбајҹанын һәрби әмәлијјатлара башламасына мане олмамалыдыр."
Диггәт: Хәбәрдән истифадә етдикдә мәнбәјә истинад лазымдыр.
