Әһли Бејт -АБНА- хәбәр аҝентлијинин вердији хәбәрә әсасән: гәрара мартын 20-си саат 23.00-дан әмәл олунмалыдыр. Ливијаны бомбардман едән коалисија гүввәләринин бу гәрара мүнасибәти һәләлик мәлум дејил. Бунунла белә, АБШ вә мүттәфигләри Гәззафинин бу гәрара садиг олаҹағына шүбһә илә јанашыр.
Коалисија гүввәләри исә пајтахт Триполијә зәрбәләри давам етдирир. Гәззафи гошунлары коалисија гүввәләринин тәјјарәләрини вурмаг үчүн һава һүҹумундан мүдафиә васитәләриндән истифадә едир.
Хәбәр верилир ки, коалисија тәјјарәләринин атдығы бир нечә мәрми Ливија лидеринин игамәтҝаһларынын јерләшдији әразисинә дүшүб. Авиазәрбәләр нәтиҹәсиндә Гәззафинин игамәтҝаһларындан бири тамамилә дағылыб. Игамәтҝаһ Ливија лидеринин гонагларыны гәбул етдији мәшһур чадырынын 50 метрлијиндә јерләшир. Ливија һөкумәтинин нүмајәндәси Муса Ибраһим бина истигамәтиндә реактив мәрминин атылдығыны билдириб. КИВ нүмајәндәләри автобусла бинанын јерләшдији әразијә апарылыб.
Баш верәнләрдә коалисија гүввәләрини ҝүнаһландыран М. Ибраһим ичәрисиндә динҹ инсанларын олдуғу игамәтҝаһын варвар бомбардманына мәруз галмасындан дәһшәтә ҝәлдијини билдириб. Бомбардманын гурбанлары барәдә мәлумат верилмир. М. Ибраһим јалныз ону дејиб ки, бинада вә јахынлыгда олан јүзләрлә динҹ сакинин талејиндән сөһбәт ҝедир.
Бунунла белә, АБШ һөкумәтинин нүмајәндәләри НБС Нјуз телеканалына Гәззафинин игамәтҝаһына авиазәрбәләрдә иштирак етмәдикләрини билдирибләр.
Гејд едәк ки, АБШ мүдафиә назири Робет Гејтс журналистләрә дејиб ки, өлкәси Гәззафи режиминә гаршы апарылан һәрби әмәлијјатларда апарыҹы рола малик олмајаҹаг. Бунунла белә, о, әмәлијјатын башланғыҹынын уғурлу кечдијини билдириб.
Гәззафи ону да әлавә едиб ки, Гәззафини авиазәрбәләрлә мәһв етмәк планы ағыллы сечим олмазды. Бу бәјанат Бөјүк Британијанын мүдафиә назири Лиама Фоксун Гәззафинин ола биләҹәји јерләрә авиазәрбәләрин ендирилмәси илә бағлы тәклифинә ҹабаб олараг сәсләндирилиб. Р. Гејтс билдириб ки, коалисија гүввәләри БМТ Тәһлүкәсизлик Шурасынын мартын 17-дә гәбул етдији гәтнамәјә ујғун һәрәкәт етмәлидир.
Гејд едәк ки, Ливијаја гаршы һәрби әмәлијјатлара мартын 19-да бир нечә өлкә - о ҹүмләдән Франса, АБШ, Италија, Канада вә Бөјүк Британија тәрәфиндән башланылыб. Билдирилир ки, Франса Һәрби Һава Гүввәләри Гәззафи гүввәләринин бир нечә зиреһли техникасыны мәһв едиб, АБШ вә Британија исә Ливија Һава Һүҹумундан Мүдафиә Гүввәләринин 20-дәк мөвгејинә “Томогавк” ракетләри илә зәрбәләр ендириб. Коалисијанын Һәрби Һава Гүввәләри Ливијанын Һава Һүҹумундан Мүдафиә објектләринә үмумиликдә 110 ганадлы ракет атыб.
Диггәт: Хәбәрдән истифадә етдикдә мәнбәјә истинад лазымдыр
