Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын һәбс олунмуш лидери Мөвсүм Сәмәдов, мүсәлман Азәрбајҹан халгыны Новруз бајрамы мүнасибәтилә илә тәбрик едиб. Барәсиндә Нәсими Рајон Мәһкәмәси тәрәфиндән 3 ајлыг һәбс гәти-имкан тәдбири сечилән вә һазырда Бакы Истинтаг Тәҹрдиханаында сахланан Мөвсүм Сәмәдов, өлкә әһалисинә хош истәкләрини чатдырыб. Бу барәдә ФактХебер.ҹом-а АИП сәдринин вәкили Анар Гасымов мәлумат вериб. Онун сөзләринә ҝөрә, Мөвсүм Сәмәдовун әһвал-руһијјәси јахшыдыр вә о, бајрамла бағлы Азәрбајҹан халгыны тәбрик едиб.
Гејд едәк ки, АИП-ин һәбс олунмуш лидери Мөвсүм Сәмәдовун өлкә иҹтимаијјәтинә үнванладығы тәбрик беләдир:
"Үзүмүзә ҝәлән Новруз бајрамы мүнасибәти илә бүтүн Азәрбајҹан халгыны тәбрик едирәм. Аллаһ-тәаладан јени илдә халгымыза һәјатынын бүтүн саһәләриндә елми, иҹтимаи, игтисади вә мәхсусән мәнәвијјатда јени-јени наилијјәтләр вә һәмишә тәрәгги диләјирәм. Евләриниздә илаһи һидајәт әсасында шадлыг вә сәадәт нуру бәргәрар олсун. Мүгәддәс китабымыза сөјкәнәрәк бүтүн проблемлеримизин һәлли, мәхсусән Гарабағ торпагларымызын ишғалдан азад олунмасыны вә бу ишдә иншаллаһ галиб олмағымызы арзу едирәм".
Диггәт: Хәбәрдән истифадә етдикдә мәнбәјә истинад лазымдыр
