Әһли Бејт -АБНА- хәбәр аҝентлијинин вердији хәбәрә әсасән: Кампанија үчүн һазырланан сәһифәдә, мүхалифләрә һәм сәһифәдәки мәлуматы тәсдигләјәрәк дәстәкләрини ҝөстәрмәләри, һәм дә фәргли шәһәрләрдә тәшкил едиләҹәк һәрәкәтләрә гатылмалары чағырышы едилир.
Етиразы тәшкил едән ҝәнҹләрдән бири Елнур Мәҹидли, 11 Март тарихинин “Үмуммилли митинг” ҝүнү олараг сечилмәсинин сәбәбини,"Мүбарәкин истефасындан там бир ај сонра" олмасы илә ачыглајыр.
Бу ҝүнә гәдәр Фејсбук сајтында ачылан " Үмуммилли митинг ҝүнү" сәһифәсинә 20 мин адам гошулмуш вә нүмајишә гатылараг дәстәк верәҹәкләрини билдирмишләр.
Азәрбајҹан парламент үзвләриндән бир груп шәхс дә дөвләт әлејһинә едиләҹәк етиразлара дәстәк верәрәк,мөвҹуд һакимијјәти бүтүн саһәләрдә көклү ислаһатлар етмәјә, тез бир заманда үмуми сечкиләр кечирмәјә, бүтүн дөвләт аппаратыны истефа ҝөндәрмәјә, дөвләт мәмурларынын әлдә етдикләри мүлкләрин арашдырылмасына, дини инанҹлара азадлыг вә бу саһәдәки гадағаларын галдырылмасына, бүтүн сијаси мәһбусларын сәрбәст бурахылмасына вә башга көклү дәјишикликләрә чағырдылар.
Верилән хәбәрә ҝөрә,Азәрбајҹан дөвләти Бакыда тәһлүкәсизлик тәдбирләрини ән јүксәк сәвијјәјә чыхарыб. Бакы күчәләриндә зиреһли васитәләр јерләшдириләрәк халгын күчәләрә төкүлмәсинин гаршысыны алмаға ҹәһд олунаҹаг.
Билиндији кими сон заманлар, Азәрбајҹан мәктәбләриндә һиҹабын гадаған едилмәси, мәсҹидләрин сөкүлмәси, дин хадимләринин һәбс олунмасы вә игтисади чәтинликләр халгын дөвләтдән наразы олмасына сәбәб олан ән бөјүк факторлардандыр.
Азәрбајҹан мүхалифәт партијалары һәрәката дәстәк верәҹәкләрини ачыглајаркән, Азәрбајҹан университетләриндәки тәләбәләрә дөвләт тәрәфиндән етиразлара гатылмамаг һаггында хәбәрдарлыг едилдијини билдирдиләр.
Диггәт: Хәбәрдән истифадә етдикдә мәнбәјә истинад лазымдыр
