Әһли Бејт -АБНА- хәбәр аҝентлијинин вердији хәбәрә әсасән: Авторитар режимләрә гаршы баш галдыран халг етиразлары бу дәфә Әлҹәзаирдә әкс-сәда доғурду. Февралын 12-дә Әлҹәзаирин пајтахты Әлҹәзаирдә һөкумәтә гаршы чохминлик митинг кечирилиб. Митингчиләр өлкә башчысы Әбдүләзиз Бутефликанын истефасыны тәләб едибләр.
Митингин гаршысыны алмаг үчүн һакимијјәтин ҝөрдүјү тәдбирләр нәтиҹәсиз галыб. Пајтахт күчәләринә 28 мин полис чыхарылыб, полисләр вә сајы билинмәјән хүсуси хидмәт органлары әмәкдашлары митингчиләрин гаршысыны зоракылыгла алмаға чалышыблар. Полис митингчиләрә гаршы дәјәнәкләрдән дә истифадә едиб.
Тоггушма заманы зәрәр чәкәнләрлә бағлы мәлумат верилмир. Лакин 400 нәфәрин сахландығы, онларын арасында гадынларын да олдуғу билдирилир.
Бунунла белә, минләрлә инсанын мејданлардан бириндә бир араја ҝәлиб һөкумәт вә өлкә башчысы әлејһинә шүарлар сәсләндирмәсинә мане ола билмәјибләр.
Тәшкилатчылар митингдә 10 мин нәфәрин, рәсми гугрмлар исә 1500 нәфәрин иштирак етдијини хәбәр верирләр.
Митингчиләрин тәләби тәкҹә Әбдүләзиз Бутелфиканын вәзифәдән ҝетмәси дејил. Онлар үмумиликдә режимин дәјишмәсини – коррупсијаја сон гојулмасыны, фөвгәладә вәзијјәтин ләғвини, азад вә әдаләтли сечкиләрин кечирилмәсини тәләб едирләр. Әлҹәзаир Инсан Һаглары Групунун фәхри сәдри Әли Јәһја Әбдүннур тутдуглары јолдан ҝери чәкилмәјәҹәкләрини бәјан едиб: “Режим јыхылана гәдәр евимиздә отурмајаҹағыг. Биз халгын режимини истәјирик”.
Хариҹи КИВ-ин тәһлилләриндә баш галдыран етиразын Әлҹәзаир һөкумәтини ҹидди тәшвишә салдығы гејд олунур. Билдирилир ки, Әбдүләзиз Бутелфика режими сонунун Мисирдә Мүбарәк вә Тунисдә Бен Әли режими кими олаҹағыны ҝөз алтына алыр.
Диггәт: Хәбәрдән истифадә етдикдә мәбәјә истинад лазымдыр
