Әһли Бејт -АБНА- хәбәр аҝентлијинин вердији хәбәрә әсасән: Италија прокурорлары баш назир Силвио Берлусҹонинин дәрһал мәһкәмәјә чыхарылмасыны тәләб едибләр.
Мәһкәмәин дәрһал олмасы мүраҹиәти белә баша дүшүлүр ки, прокурорларын әлиндә кифајәт гәдәр сүбут вар. Буна ҝөрә прокурорлар илкин мәһкәмә динләмәсинә еһтијаҹ ҝөрмүрләр.
Милан прокурорларынын тәгдим етдији сәнәддә дејилир ки, 74 јашлы Берлусҹони “әһәмијјәтли сајда гадына, о ҹүмләдән ҝеҹә клубунун рәггасәси, мәракешли Карима Ел Маһруга интим әлагәдә оламаглыға ҝөрә пул вериб”.
“Һәмин вахт Ел Маһругун јашы 18-дән аз олуб”.
Сәнәдә ҝөрә, Әл Маһруг оғурлуг иттиһамы илә һәбсә дүшәндә Берлусҹони ону азад етмәк үчүн рәсмиләрә ганунсуз тәзјиг едиб.
БЕРЛУСҸОНИНИН ИЗАҺЛАРЫ
Сағ мәркәзчи һөкумәтин башчысы Берлусҹони иттиһамлары рәдд едир вә дејир ки, бунлар “солчу прокурорларын ојунудур”.
Берлусҹони етираф едир ки, Ел Маһруга пул вериб. Анҹаг о дејир ки, пулу сексә ҝөрә јох, гызын аиләси чәтин вәзијјәтдә олдуғу үчүн вериб.
Берлусҹони етираф едир ки, Ел Маһругу полисдән бурахдырмаг үчүн доғрудан да зәнҝ едиб.
Берлусҹонинин изаһына ҝөрә, она дејибләрмиш ки, Ел Маһруг Мисир президенти Һүсни Мүбарәкин баҹысы гызыдыр. Берлусҹони дә дипломатик галмагала јол вермәмәк үчүн ону полисдән бурахдырмаг истәјиб.
Инди сөз һакиминдир. Милан мәһкәмәсинин һакими 5 ҝүн әрзиндә мүәјјән едәҹәк ки, баш назирин мәһкәмәси олсун јохса јох. Һакимин мүсбәт гәрарындан сонра мәһкәмә бир нечә ај әрзиндә башлаја биләр.
Рәј сорғуларына ҝөрә, Берлусҹонинин баш назирлијини әһалинин ҹәми 34 фаизи бәјәнир
("Азадлыг" радиосу).
Диггәт: Хәбәрдән истифадә етдикдә мәбәјә истинад лазымдыр
