Әһли Бејт -АБНА- хәбәр аҝентлијинин вердији хәбәрә әсасән: Гарабағ Азадлыг Тәшкилаты (ГАТ) Бакыда кечирилән “Еффектив тәрәфдашлыг вә идарәетмә үчүн структур диалогу” адлы семинарда ермәни нүмајәндәләринин иштиракы илә бағлы бәјанат вериб. ГАТ мәтбуат хидмәтиндән верилән мәлумата ҝөрә, бәјанатда бу факт Азәрбајҹанын милли марагларына зәрбә кими гијмәтләндирилиб: “Ермәни нүмајәндәләрини ҝизли шәкилдә Бакыја ҝәтириб онларын тәдбирдә иштиракыны тәмин етмәклә милли марагларымыза хәјанәт едилир. Бу ҝүн ермәниләри Бакыја ҝәтирәнләр, онларла бир маса архасында отуран мәмурлар вә ГҺТ нүмајәндәләри, онлардан һәвәслә мүсаһибә алан КИВ тәмсилчиләри вә онларын гаршысына чај гојан хидмәтчиләрин арасында һеч бир фәрг јохдур. Онларын һамысы ермәни сијасәтинә хидмәт ҝөстәрир, өз һәрәкәтләри илә фактики олараг ермәниләрин ишғалчылыг сијасәтинә, ермәни вәһшиликләринә бәраәт газандырырлар”.
Бәјанатда бу просесдә иштирак едәнләр ләнәтләнир вә бу практикаја сон гојулмасы тәләб едилир: “Гарабағ Азадлыг Тәшкилаты һадисәләри диггәтлә изләјир вә ермәниләрин ҝизли шәкилдә Бакыја ҝәтирилмәсинин гаршысыны алмаг үчүн тәсирли васитәләр һазырлајыр. Нә гәдәр ҝеҹ дејил, бу ејбәҹәр сијасәтдә иштирак едәнләр ҝери чәкилмәли, бу рүсвајчы практикаја сон гојмалыдырлар”.
Диггәт: Хәбәрдән истифадә етдикдә мәбәјә истинад лазымдыр
