2010-ҹу ил парламент сечкиләриндән дәрһал сонра иҹтимаи рәј дүшүнүлмүш вә планлы шәкилдә һиҹаб мәсәләсинә јөнәлдилиб. Мәгсәд сечки сахтакарлығына гаршы мүбаризәдән халгы јајындырмаг, өлкә вә бејнәлхалг иҹтимаијјәтин диггәтини башга мәсәләләрә ҹәлб етмәк олуб. Лакин, һәр тәрәфли һесабланмамыш бу сијасәт ону һәјата кечирәнләрә гаршы јөнәлмиш, бир тәрәфдән өлкә дахилиндә исламчы кәсимин активләшмәсинә, диҝәр тәрәфдән бејнәлхалг мүнасибәтләрдә Иран-Азәрбајҹан мүнасибәтләриндә сојуглашмаја вә демократик дүнја иҹтимаијјәти тәрәфиндән Азәрбајҹан дөвләтинин дини дөзүмсүзлүјә ҝөрә гынаға мәруз галмасына ҝәтириб чыхарыб.
Мәсәләнин фактики тәрәфини бир кәнара гојсаг “Һиҹаб” мәсәләсинин формал тәрәфи чохлу суаллар доғурдуғундан бу мәсәләјә бир гәдәр ҝениш шәрһ вермәјә еһтијаҹ јараныр.
Һиҹабла бағлы Аллаһ тәрәфиндән хүсуси ајә ендијиндән Һиҹаб Ислам дининин ән ваҹиб шәрти мәсәләләриндәндир. Әл-Әзһаб сүрәсинин 59- ҹу ајәсиндә бујурулур: “Ја Пејҝәмбәр! Зөвҹәләринә, гызларына вә мөминләрин өврәтләринә де ки, (евдән чыхдыгда ҹаријәләрә охшамасынлар дејә, бәдәнләрини башдан ајаға ҝизләдән) өртүкләрини өртсүнләр “Ән-Нур сурәсинин 31-ҹи ајәсиндә бујурулур: “Мөмин гадынлара де ки, ҝөзләрини һарам бујрулмуш шејләрдән чевирсинләр (намәһрәмә бахмасынлар) ајыб јерләрини горусунлар (вә ја өртүлү сахласынлар) өз өзлүјүндә ҝөрүнән (әл вә үз) истисна олмагла зинәтләрини ҝөстәрмәсинләр, баш өртүкләрини јахаларынын үстүнә чәксинләр...”
Танынмыш
