Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Баш Прокурорлуғу АИП сәдри Мөвсүм Сәмәдов вә диҝәр һәбс олунанлар барәдә рәсми мәлумат ачыглајыб. Баш Прокурорлугда дүнән кечирилән коллеҝија иҹласында һәбс олунан шәхсләрин мүхтәлиф маддәләр үзрә иттиһам олундуғу вә һазырда Бакы Истинтаг Тәҹридханасында сахланылдығы билдирилиб. Бундан әлавә иҹлас заманы бу ишин гыса мүддәтдә јүксәк пешәкарлыгла истинтаг олунмасы вә бүтүн әлагәдар шәхсләр ашкар едилмәклә онларын мәсулијјәтә ҹәлб едилмәси гәрара алыныб.
Гејд едәк ки, Азәрбајҹан Ислам Партијасынын һәбсдә олан сәдри Мөвсүм Сәмәдов, дүнән Бакы Истинтаг Тәҹрдиханасында ганунсуз олараг вәкилин иштиракы олмадан шифаһи диндирилиб. Бу барәдә Мөвсүм Сәмәдовун вәкили Анар Гасымов мәлумат вериб. Онун сөзләринә ҝөрә, истәнилән һалда һүгугларыны горудуғу шәхсин, ондан хәбәрсиз олараг диндирлмәси ганунусзлугдур. “Дүнән Мөвсүм Сәмәдовла ҝөрүшмүшәм. Сәһһәти нормалдыр вә өзүнү јахшы һисс едир. Садәҹә олараг өлкәдә баш верән иҹтимаи-сијаси һадисәләрдән хәбәрдар олмасы үчүн һәбсхана рәһбәрлијиндән гәзетләр истәсә дә, онун истәји нәзәрә алынмајыб. Бундан әлавә һүугугларыны горудуғум шәхси, мәндән хәбәрсиз олараг јенидән диндирибләр. Мүстәнтиг Мөвсүм бәјин танымадығы вә бизә дә адыны ачыгламадығы бир шәхслә Бакы Истинтаг Тәҹридханасына ҝәлиб. Биз дә бунунла бағлы бир баша Истинтаг Тәҹридханасынын васитәсилә истинтаг групунун рәһбәринә Мөвсүм Сәмәдовун вәсатәтини ҝөндәрдик вә бундан сонра һәр һансы бир истинтаг һәрәкәти апарыларкән мүтләг вәклин иштиракынын тәмин олунмасыны онун нәзәринә чатдырдым”-дејә вәкил Анар Гасымов билдириб.
Диггәт: Хәбәрдән истифадә етдикдә мәнбәјә истинад лазымдыр
