Бисмиллаһир-рәһманир-рәһим
1.Аллаһын ады илә
Әлһәмдулиллаһи Рәббил-аләмин. Вәс-сәлату әла сәјјидин-әл-әнбијаи вәл-мурсәлин вә алиһи садатил-овсијаит-таһирин вә әла ҹәмии-итрәтил-мәсумин, вәләнид-даим әла әдаиһим әҹмәин.
Бир груп инсан мәндән моизә вә нәсиһәт истәјир. Әҝәр онларын мәгсәди будурса ки, биз дејәк, онлар тәкҹә ешитсинләр, сонра бир башга дәфә, бир башга вахт јенә биз дејәк, онлар ешитсинләр, елә исә хәбәри оланлара ҝизли дејил ки, мән һәгир онларын бу истәјини јеринә јетирмәкдә аҹизәм. Әҝәр онлар һәр ики дүнајада мүтләг сәадәт үчүн кифајәт едәҹәк бир “үммүл-кәлам” (һәлледиҹи сөз) демәјими истәјирләрсә, (билин ки) ону һәгирин бәјанындан чыхарыб сизә чатдырмаға јалныз Аллаһ гадирдир.
Әрз едирәм ки, јарадылшыда мәгсәд бәндәликдир.
و ما خلقت الجن و الانس إلا لیعبدون
Биз ҹинләри вә инсанлары јалныз бизә ибадәт етсинләр дејә јаратдлг (Заријат сурәси, ајә 56)
Бәндәлијин һәгигәти гәлбдә етигадла, бәдәндә (заһирдә) әмәллә ҝүнаһы тәрк етмәкдир. О, адәт һалына кечмәјинҹә, давамлылыг вә риајәтлә, һәр һал, һәр заман, һәр мәканда - ҹамаат арасында, ҝизлиндә Аллаһы хатырламагла һасил олмаз.
ولا أقول سبحان الله و الحمد لله، لکنه ذکر الله عند حلاله و حرامه
“Сүбһанәллаһ вәлһәмдулиллаһ” демәклә дејил, һалал-һарама риајәт етмәклә Аллааһы зикр ет.
Биз Имам Заманы (Аллаһ онун зүһуруну тезләтсин) она ҝөрә севирик ки, онун васитәсилә әмрләр бизә чатыр. Ону Пејғәмбәр (с), бизим үчүн башчы тәјин едиб. Пејғәмбәри (с) она ҝөрә севирик ки, Аллаһ-таала ону бизимлә Өз арасында васитә гәрар вериб. Аллаһы она ҝөрә севирик ки, бүтүн хејирләрин мәнбәјидир, мүмкүнләрин (хәлг олунмушларын) вүҹуду Онун фејзидир.
Әҝәр өзүмүзү вә камалы истәјириксә, Аллаһы севмәли, Аллаһы севириксә фејз васитәләрини - нәби вә вәсини севмәлијик. Јохса, ја өзүмүзү, ја “Ваһибүл-әтаја”ны, ја да фејз васитәләрини севмирик. Сәадәтин иксири Аллаһы јад етмәкдир. О, (бәдәнләри) әзәләләри мүтләг сәадәтин сәбәбләринә доғру һәрәкәт етдирәндир. Фејз васитәләринә тәвәссүл етмәк Онун тәјин етдији еһсан мәнбәјидир. Кама чатмаг үчүн онларын һидајәти илә һидајәт олмалы, јолумузу онларын рәһбәрлији алтында ҝетмәлијик. Артыг изаһ истәмәјин. Әрз олунунаны јазын, гәлбиниздә гејд един. О, өз- өзүнү изаһ едәҹәк. Әҝәр “нә үчүн өзүн әмәл етмирсән” десәниз, онда дејирик: Әҝәр “әмәл едәник, һәр шеји билирик” демәли олсајдыг, бәлкә дә бурада дејилдик вә бу бәјан олмазды. Лакин ҝөстәриш немәтин тохумудур, бәлкә мәгсәдә чатыдырды.
ما أخذ الله علی العباد أن یتعلّموا حتی أخذ علی العماء أن یعلّموا
Ҝизли галмасын ки, әҝәр мүјәссәр олсајды, әмәли нәсиһәт сөзлә дејилән нәсиһәтдән даһа үстүндүр.
کونوا دعاة إلی الله بغیر أاسنتکم
وفقّنا الله و ایاکم لما یرضیه و جنبنا جمیعاً عن ما یسخطه و السلام علیکم و رحمة الله و برکاته والحمدلله أولاً و آخراً والصلوة علی محمد و آله الطاهرین واللعن علی أعدائهم أجمعین
Мәшһәд, рәбиүл-әввәл, 1420
2.Аллаһын ады илә
Бөјүклү-кичикли билмәлијик ки, дүнја вә ахирәт сәадәти үчүн јеҝанә јол, бөјүк Аллаһа бәндликдир. Бәндәлик, етигад вә әмәлдә ҝүнаһы тәрк етмәкдир.
Билдикләримизә әмәл едәк. Билмәдикләримиздә, мәлум оланадәк дајаныб еһтијат едәк. Белә олса, һеч вахт пешманлыг вә зәрәр бизә јол тапмајаҹаг. Әҝәр бу әзм бәндәдә сабит вә мөһкәм олса, бөјүк Аллаһ ону мүвәффәг едәҹәк, јардымчы олаҹаг.
والسلام علیکم و رحمة الله و برکاته، و الصلاة علی محمد و آله الطاهرین، واللعن علی أعدائهم أجمعین
3.Аллаһын ады илә
Дедим: Әлиф,
Деди: Сонра?!
Дедим: Һеч.
Евдә бир нәфәр варса бир һәрф бәс едәр. Дәфәләрлә демишәм, јенә дејирәм: Һәр кәс билсә ки, Аллаһ Ону јад едәнлә јолдаш олур, һеч бир мөизәјә еһтијаҹы галмыр. Билир ки, нәји етмәли, нәји етмәмәлидир. Билир ки, билдикләрини јеринә јетирмәли, билмәдикләриндә еһтијат етмәлдир.
Вәс-саламу әләјкум вә рәһматуллаһи вә бәрәкатуһ.
الاقل محمد تقی البهجة
4.Бисмиллаһир-рәһманир-рәһим
Әлһәмдулиллаһи Рәббил-аләмин. Вәс-сәлату әла сәјјидин-әл-әнбијаи вәл-мурсәлин вә алиһи садатил-овсијаит-таһирин вә әла ҹәмии-итрәтил-мә`сумин, вәл`әнид-даим әла ә`даиһим әҹмәин.
Мөмин вә мөминәләрәдән ибарәт (бир груп) ҹамаат мөизә истәјир.
