Әһли Бејт -АБНА- хәбәр аҝентлијинин вердији хәбәрә әсасән: Һиҹаб вә Һиҹаб Гадағасы Мәһбусларыны Мүдафиә Комитәсинин мәтбуат хидмәти ачыгламасында билдириб: Азәрбајҹан Республикасында диндарлара гаршы ачылмыш ҹәбһәдән шәрәфсиз һүҹумлар ҝүҹләнмәкдәдир. Өтән ҝүн Азәрбајҹан Ислам Партијасынын даһа бир комитә сәдри һәбс олунуб. АИП-ин Масаллы рајон комитәсинин сәдри Елнур Худавердијевин мәнзилиндә апарылан гејри-гануни әмәлијјат ҝедишиндә комитә сәдри һәбс едилиб вә онун һараја апарылдығы мәлум олунмасада сонрадан азадлыға бурахылыб. Өтән ҝүн Масаллы шәһәринин Хил кәнд руһаниси Аббасов һаҹы Фәрамәрзи дә сахланылыб. Полис онун евиндән силаһ-сурсат “тапыб”. Масаллыда диндарларын һәбсинә гаршы етираз аксијасы кечирилиб. Кәнд сакинләри бу һәбси сон ҝүнләр Ислам Партијасы фәалларынын һәбсинин давамы кими дәјәрләндирибләр. 100-ә гәдәр диндар дин хадимләринин һәбсдән азад едилмәси тәләбилә рајон полис шөбәсинин гаршысында аксија кечириб.
* * *
Репрессијаларын лабүд сонлугларындан бири тәрәфләр арасында тәркиб дәјишмәсидир. Ҹәмијјәт баш верән һадисәләрә һеч заман биҝанә дејил. Репрессијаја мәруз галан тәрәфдә даим сафлашма, мөһкәмләнмә ҝедир. Режими тәмсил едән әдаләтсевәр инсанлар онун ҹәмијјәтә арамсыз тәзјигләринә етираз олараг халга гошулур, әксинә халг вә мүхалифәт арасындакы зәиф ирадәли вә раһатлыгсевәр инсанлар режимин тәрәфинә кечир.
Өтән ҝүн ГМИ-нин гаршысында минә јахын диндарын топланмасы репрессијаларын режими зәифләтдијини, әкс ҹәбһәни ҝүҹләндирдијини ҝөстәрир. Ејни заманда Шејхүлислам Пашазадәнин халгын гаршысына чыхмамасы, режимин Азәрбајҹан Ислам Университетинин ректору Сабир Һәсәнли кими нөкәрини ирәли вермәси дини кәсимин сафлашмасына, ријакар инсанларын бу ҹәбһәни тәрк едиб режимә гошулмасына сүбутдур.
Азәрбајҹан Ислам Университетинин ректору Сабир Һәсәнли билдириб:
“Дөвләт, Тәһсил Назирлији (һиҹаб мәсәләсиндә) өз мөвгеләрини конкрет олараг ифадә едибләр. ГМИ-јә ҝәлдикдә исә о, елә, дөвләтин мөвгејиндән чыхыш едир”.
Бир гәдәр өнҹә ГМИ сәдринин сөзҹүсү Рәһимә Дадашованын "Мазлумдер" рәсмиләри илә ҝөрүш заманы Шејхин илк ачыгламада һиҹаба дәстәјинә диггәт чәкмәси ГМИ дахилиндә парчаланма вә ја ГМИ рәһбәрлијинә һансыса тәзјигләрдән хәбәр верир. Истәнилән бир һалда, Шејхүлислам башда олмагла ГМИ-нин бу мәсәләдә режимә дәстәк вермәси, һиҹаб гадағасына амин демәси идарә вә шејхүлислама гаршы фитва илә сонуҹлана биләр. Һиҹаб гадағасына амин демәк Аллаһ әмринә гаршы чыхмагдыр вә бу мөвгедә дајананлар күфрә мәһкумдур.
ҺҺГМ МК-нын мәтбуат хидмәти
е-маил: һиҹаб-мк@маил.ру
Диггәт: Хәбәрдән истифадә етдикдә мәнбәјә истинад лазымдыр
