Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын орта мәктәбләриндә тәһсил алмаг һүгугундан мәһрум едилмиш һиҹаблы шаҝирдләрин валидејнләри, јахынлары вә садә диндарлар, бу ҝүн саат 12:00-дан етибарән Гафгаз Мүсәлманлар Идарәсинин гаршысына топлашыб. Араларында нүфузлу руһаниләрин одуғу диндар күтлә, Гафгаз Мүсәлманлар Идарәсинин (ГМИ) сәдри Аллаһшүкүр Пашазадә илә ҝөрүшмәк үчүн идарәнин өнүнә јығышыблар. Һадисә јериндә олан мүхбиримизин вердији мәлумата ҝөрә, әввәлҹә "Тәзә Пир" мәсҹидиндә намаз гылан диндарлар, сонрадан һиҹаб проблеминин давам етмәсинә өз наразылыгларыны билдирибләр. Һиҹаблы шаҝирдләрин орта мәктәбләрдә тәһсил алмаг һүгугундан истифадә едә билмәләри үчүн ГМИ-ни даһа да актив фәалијјәт ҝөстәрмәјә сәсләјән инанҹлылар, бу проблемин тез бир заманда һәлл олунмасыны тәләб едибләр.
Диггәт: Хәбәрдән истифадә етдикдә мәнбәјә истинад лазымдыр
