Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын (АИП) сәдри Мөвсүм Сәмәдов барәсиндә чыхарылан һәбс гәрарындан апеллјасија шикајәти верилиб. Бу барәдә М. Сәмәдовун вәкили Анар Гасымов мәлумат вериб. Онун сөзләринә ҝөрә, мүдафиә етдији шәхс апеллјасија шикајәтиндә Нәсими Рајону Мәһкәмәсинин барәсиндә чыхардығы һәбс-гәтимкан тәдбиринин ләғв олунмасыны вә мәһкәмәнин һөкмүнә гәдәр сәрбәст бурахылмасыны истәјиб.
“Дүшүнүрәм ки, мәһкәмәнин Мөвсүм бәј барәдә чыхардығы гәрар ләғв олунмалы вә о, тез бир заманда азадлыға чыхмалыдыр. Биз бу мәсәләнин бүтүн һүгуги вастиләриндән истифадә едәҹәјик. Әҝәр өлкәдәки мәккәмәләр бизим мүраҹиәтимизә мүсбәт ҹаваб вермәсләр, онда Авропа Мәһкәмәсинә үз тутаҹағыг”-дејә АИП сәдринин вәкили Анар Гасымов билдириб.
Мәлумат үчүн билдирәк ки, Бакы Апеллјасија Мәһкәмәсиндә апеллјасија шикајәти үзрә мәһкәмә иҹласынын вахты исә һәләлик мүәјјәнләшмәјиб. Гејд едәк ки, Нәсими Рајону Мәһкәмәсинин гәрары илә М. Сәмәдов барәсиндә 3 ајлыг һәбс-гәтимкан тәдбири сечилиб. М. Сәмәдов Азәрбајҹан Ҹинајәт Мәҹәлләсинин 28, 214.2.1-ҹи (габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг), 28, 214.2.3-ҹү (одлу силаһдан вә силаһ гисминдә истифадә олунан предметләрдән истифадә етмәклә ҹинајәтә һазырлыг), 228.3-ҹү (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә), 278-ҹи (һакимијјәти зорла әлә кечирмә вә ја ону зорла сахлама) маддәләр үзрә иттиһам олунуб.
Диггәт: Хәбәрдән истифадә етдикдә мәнбәјә истинад лазымдыр
