Әһли Бејт -АБНА- хәбәр аҝентлијинин вердији хәбәрә әсасән: Бу ҝүн ИИР-ин мүгәддәс Гум шәһәриндә “Һиҹаб вә Һиҹаб Гадағасы Мәһбусларыны Мүдафиә Комитәси” јарадылыб. Мүдафиә Комитәси структуру сәдр, идарә һејәти, катиблик вә мәтбуат хидмәтиндән ибарәт олаҹаг. Комитәјә Мәһәммәд Ордубади сәдр сечилиб.
Комитә Иранда јашајан Азәрбајҹан Республикасы вәтәндашларынын тәшәббүсү илә тәсис едилиб. Мүдафиә Комитәсинин 15 нәфәрин иштиракы илә кечирилән илк иҹласында гәрара алыныб ки, Азәрбајҹан Республикасында мүсәлман кәсимә гаршы сијаси, игтисади, иҹтимаи зәминдә баш вермиш бүтүн зоракылыг һаллары илә бағлы мониторингләр, проблемин һәлли јөнүндә иҹтимаи вәкиллик фәалијјәти һәјата кечирилсин.
Анти-ислам гүввәләр тәрәфиндән зоракылыг гурбаны олан мүсәлманларын фәрди мүраҹиәтләри әсасында онларын һүгугларынын мүдафиәси тәшкил едиләҹәк. Иҹласда иштирак едәнләр гәрар верибләр ки, сон Һиҹаб гадағасы һадисәсиндә инсанларын һәбси сијаси мотивлидир, онлар һансыса чеврәләрин анти-ислам нијјәтләриндән доған мәкрли плана әсасән һәбс олунублар. Комитәнин тәркибинә дахил олан диҝәр әлагәләндириҹиләр мүәјјәнләшиб.
Илк иҹласда комитә гаршысында гәти вәзифә гојулуб: Азәрбајҹан Республикасында Һиҹаб гадағасы ләғв едиләнә, сон ҝүнләр һәбс едилән диндарлар азадлығыа чыхана гәдәр “Һиҹаб вә Һиҹаб Гадағасы Мәһбусларыны Мүдафиә Комитәси” өз ишини давам етдирәҹәк.
Комитәнин мәтбуат хидмәти
е-маил: һиҹаб-мк@маил.ру
Диггәт: Хәбәрдән истифадә етдикдә мәнбәјә истинад лазымдыр
