Әһли Бејт -АБНА- хәбәр аҝентлијинин вердији хәбәрә әсасән: Вәкил Анар Гасымов Дахили Ишләр Назирлијинин (ДИН) Баш Мүтәшәккил Ҹинајәткарлыгла Мүбаризә Идарәсинин мүвәггәти сахланма тәҹридханасында Азәрбајҹан Ислам Партијасынын (АИП) сәдри Һаҹы Мөвсүм Сәмәдов вә онун әмиси оғлу Дәјанәт Сәмәдовла ҝөрүшүб.
А. Гасымов билдириб ки, мүдафиә етдији шәхсләрин сәһһәтиндә проблем вә бәдәнләриндә ишҝәнҹә әламәтләри јохдур: “Мөвсүм Сәмәдова гаршы иттиһам ирәли сүрүлмәјиб. О, јалныз инзибати ҹәза маддәси илә 13 ҝүн мүддәтинә инзибати гајдада һәбс едилиб. Лакин нәдәнсә Баш Мүтәшәккил Ҹинајәткарлыгла Мүбаризә Идарәсинин мүвәггәти сахланма тәҹридханасында сахланылыр! Дәјанәт Сәмәдов барәсиндә исә Ҹинајәт Мәҹәлләсинин 228.1 маддәси илә (ганунсуз олараг одлу силаһ, онун комплект һиссәләрини, дөјүш сурсаты, партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ҝәздирмә) 2 ај мүддәтинә һәбс-гәтимкан тәдбири сечилиб”.
Вәкил јанварын 14-дә һәр ики шәхслә бағлы Бакы Апеллјасија Мәһкәмәсинә апеллјасија шикајәти верәҹәк.
Гејд едәк ки, Азәрбајҹан Ислам Партијасы сәдри Мөвсүм Мәрдан оғлу Сәмәдов јанварын 2-дә АИП Баш Мәҹлисинин иҹласында чыхыш мәктәбләрдәДинимизә вә Конситутсијајамыза зид олан һиҹаба гадаға гојулмасыны тәнгид едиб вә буну Азәрбајҹан халгына мәнәви зәрбә кими гијмәтләндириб. Мәһәммәд Пејғәмбәрдән “динә тәрәф бәла ҝәлсә, ҹанынызы верин, дининизи гуртарын” дејә ситат ҝәтирән АИП лидери гејд едиб ки, һазырда Азәрбајҹанда мәһз белә вәзијјәт јараныр. О, Азәрбајҹан халгыны “ајаға галхмаға вә ЗАЛЫМ РЕЖИМӘ сон гојмаға” чағырыб. Нәһајәт Һаҹы Мөвсүм Мәрдан оғлу Сәмәдов јанварын 7-дә полис вә МТН мәмурлары тәрәфиндән ганунсуз сахландығы ан бу өзбашналыглара һүгуги ҹаваб истәдикдә, мәмурларын тәләбләринә табе олмамаг иттиһамы илә Нәриманов рајон Мәһкәмәсинин гәрары илә (ДИН) Баш Мүтәшәккил Ҹинајәткарлыгла Мүбаризә Идарәсинин мүвәггәти сахланма тәҹридханасында сахланылыб.
Диггәт: Хәбәрдән истифадә етдикдә мәнбәјә истинад лазымдыр
