Әһли Бејт -АБНА- хәбәр аҝентлијинин вердији хәбәрә әсасән: Маһмуд Әһмәдинежад бу ҝүн јанварын 4-дә Симнан әһалиси гаршысында етдији чыхышында дејиб: Гәрб дүнјасы һазырда ики јол ајрыҹындадыр; ја кечмишдәки дүшмәнчиликләрини давам етдирсин ја да халгларын һүгугуну гәбул етсин. Лакин Иран халгына мүнасибәтдә онун гәрәзли мөвгеји мүтләг мәғлубијјәтә уғрајаҹагдыр.
Әһмәдинежадын сөзләринә ҝөрә, зоракы гүдрәтләр зүлм вә јанлышлыгларыны кәнара гојараг ағыла ҝәлиб халгларын һүгугуна һөрмәтлә јанашмалыдырлар.
Онун сөзләринә ҝөрә, Гәрб дөвләтләри өз бахышларыны дәјишмәли, һеҝемонија вә ишғалчылыг сијасәтинә сон гојараг халгларын һүгугуна риајәт етмәлидирләр.
Дүшмәнләрин Иран халгынын иззәтинә хәләл ҝәтирмәјә чалышмасына, онун әрази бүтөвлүјүнә проблем јаратмаг ҹәһдләринә тохунан дөвләт башчысы гејд едиб: Бүтүн бу дүшмәнчиликләрә бахмајараг онлар Иран халгынын инкишафына мане ола билмәдиләр вә һәмишә өзләринин анти-Иран сијасәтләриндә мүвәффәгијјәтсизлијә уғрадылар.
Иран Ислам Республикасынын президенти сонда дүшмәнләрин бүтүн игтисади, сијаси, мәдәни вә һәрби саһәләрдә накам галдыгларыны вурғулајыб.
Диггәт:Хәбәрдән истифадә етдикдә мәнбәјә истинад лазымдыр
