Әһли Бејт -АБНА- хәбәр аҝентлијинин вердији хәбәрә әсасән: Иранын дахили ишләр назири бәјан едиб ки, өлкәнин ҹәнуб шәргиндә јерләшән Чабаһар шәһәриндә Тасуа ҝүнү төрәдилән террор актынын даһа 8 амили һәбс олунуб.
Теһранда мүхбирләрлә сөһбәтдә терроризми реҝион өлкәләринин әсас проблеми адландыран Мустафа Мәһәммәд Нәҹҹар дејиб: Дүнја империализми өз мәгсәдләринә чатмаг үчүн террордан фајдаланыр.
Империалист дөвләтләри халгларын марагларына зәрбә вурмаг үчүн шәр методлара әл атмагда иттиһам едән иранлы назирин сөзләрин ҝөрә, һеҝемончу дөвләтләр ИИР илә гоншулары арасында әлагәләри позмаг истәјирләр.
Иранын дахили ишләр назири һәмчинин бир даһа Пакистан һөкумәтиндән истәјиб ки, террорчуларын бу өлкә торпағындан Иран әлејһинә истифадә етмәләринин гаршысыны алсын.
Хатырладаг ки, Тасуа ҝүнү Америка вә бәзи диҝәр дөвләтләрин дәстәји илә Шејтан ордусу груплашмасы Чабаһарда террор акты төрәдәрәк 39 нәфәрин шәһид олмасына вә онларла инсанын да јараланмасына сәбәб олду.
Һадисәдә чохлу сајда гадын вә ушаг хәсарәт алмышдыр.
Террор актынын ардынҹа Һәзрәт Ајәтуллаһ әл-Үзма Имам Хаменеи, Ислам Шурасы Мәҹлисинин үзвләри, дөвләт гурумлары вә халг күтләләри бу террорчу һәрәкәтә ҝөрә өз нифрәтләрини билдирдиләр.
Диггәт: Хәбәрдән истифадә етдикдә мәнбәјә истинад лазымдыр
